നടി പ്രിയ വാര്യരെ ജനങ്ങള്‍ എറ്റെടുത്ത ഗാനമായ മാണിക്യ മലര്‍ സൃഷ്ടിച്ച വിവാദങ്ങള്‍ ചെറുതൊന്നുമായിരുന്നില്ല. വിവാദങ്ങള്‍ സദാ പുറകേ കൂടിയ ഒമര്‍ ലുലു ചിത്രം ഒരു അഡാര്‍ ലൗ എന്ന ചിത്രത്തിലെ മാണിക്യമലരായ എന്ന ഗാനത്തിന് വീണ്ടുമൊരു റെക്കോര്‍ഡ് കൂടി.
ഇപ്പോഴിതാ തെന്നിന്ത്യയില്‍ നിന്നും എറ്റവും വേഗത്തില്‍ അഞ്ച് കോടി വ്യൂസ് നേടുന്ന വീഡിയോ എന്ന റെക്കോര്‍ഡാണ് ഈ ഗാനരംഗത്തെ തേടിയെത്തിയിരിക്കുന്നത്. അതുകുടാതെ ഇപ്പോള്‍ വീഡിയോക്ക് 645,000 ലധികം ലൈക്കുകളും ലഭിച്ചിട്ടുണ്ട്.
ഒരു മലയാളം വീഡിയോയ്ക്ക് ഇതുവരെ യൂട്യൂബില്‍ കിട്ടിയിട്ടുള്ള എറ്റവും കൂടുതല്‍ ലൈക്കുളാണിത്.
പി.എം.ജബ്ബാര്‍ രചിച്ച മാണിക്യമലരായ പൂവി എന്ന മാപ്പിള പാട്ടിന്റെ യഥാര്‍ഥ സംഗീത സംവിധായകന്‍ തലശ്ശേരി റഫീക്കാണ്. ഒരു അഡാര്‍ ലൗവിലൂടെ പാട്ടിന് ഷാന്‍ റഹ്മാന്‍ പുതിയ ഭാവം നല്‍കിയിരിക്കയാണ്. പാട്ടിലൂടെ എറെ ശ്രദ്ധപിടിച്ചുപറ്റിയ താരം കൂടിയായിരുന്നു പ്രിയാ വാര്യര്‍.