ശരിക്കും ആസ്വദിച്ചു; ഓപ്പറേഷന്‍ ജാവയെ അഭിനന്ദിച്ച് ഫഹദ് ഫാസിലും; സന്തോഷം പങ്കുവെച്ച് സംവിധായകന്‍

കൊച്ചി: ഓപ്പറേഷന്‍ ജാവ സംവിധാനം ചെയ്ത തരുണ്‍ മൂര്‍ത്തിക്ക് അഭിനന്ദനങ്ങളുമായി നടന്‍ ഫഹദ് ഫാസിലും. ചിത്രത്തിന്റെ സംവിധായകന്‍ തരുണ്‍ മൂര്‍ത്തിക്കയച്ച സന്ദേശത്തില്‍ ചിത്രം വളരെയധികം ഇഷ്ടപ്പെട്ടെന്നും ശരിക്കും ആസ്വദിച്ചെന്നും ഫഹദ് അയച്ച സന്ദേശത്തില്‍ പറയുന്നു.

തരുണ്‍ തന്നെയാണ് ഫഹദ് അഭിനന്ദനങ്ങള്‍ അറിയിച്ച വിവരം തന്റെ ഫേസ്ബുക്ക് പേജിലൂടെ പുറത്തുവിട്ടത്. നേരത്തെ നടന്മാരായ പൃഥ്വിരാജും സുരേഷ്‌ഗോപിയും തരുണിനെ അഭിനന്ദിച്ചെത്തിയിരുന്നു.

മൂര്‍ത്തിക്കയച്ച വാട്‌സ്ആപ്പ് സന്ദേശത്തിലൂടെയാണ് ഓപ്പറേഷന്‍ ജാവ ഏറെ ഇഷ്ടപെട്ടുവെന്നും ഇനിയും തരുണ്‍ മൂര്‍ത്തിയില്‍ നിന്നും മികച്ച സിനിമകള്‍ പ്രതീക്ഷിക്കുന്നു എന്നും പൃഥ്വിരാജ് പറഞ്ഞത്.

‘ഇത് പോരെ അളിയാ’ എന്ന ക്യാപ്ഷനോടെ തരുണ്‍ മൂര്‍ത്തി തന്നെയാണ് സന്ദേശം ഫേസ്ബുക്കില്‍ പങ്കുവെച്ചത്.

തരുണ്‍ മൂര്‍ത്തി സംവിധാനം ചെയ്ത ആദ്യ സിനിമയാണ് ഓപ്പറേഷന്‍ ജാവ. വാസ്തവം, ഒരു കുപ്രസിദ്ധ പയ്യന്‍ എന്നീ ചിത്രങ്ങള്‍ക്ക് ശേഷം വി.സിനിമാസ് ഇന്റര്‍നാഷണലിന്റെ ബാനറില്‍ പത്മ ഉദയ് ആണ് ചിത്രം നിര്‍മിച്ചിരിക്കുന്നത്.

വിനായകന്‍, ഷൈന്‍ ടോം ചാക്കോ, ബാലു വര്‍ഗീസ്, ലുക്ക്മാന്‍, ബിനു പപ്പു, ഇര്‍ഷാദ് അലി, പ്രശാന്ത് അലക്സാണ്ടര്‍, ദീപക് വിജയന്‍ തുടങ്ങിയവരാണ് ചിത്രത്തില്‍ കേന്ദ്രകഥാപാത്രങ്ങളെ അവതരിപ്പിച്ചിട്ടുള്ളത്.

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ 

ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Really enjoyed it; Fahad Fazil lauds Operation Java Movie; director sharing the joy