ശരിക്കും ആസ്വദിച്ചു; ഓപ്പറേഷന്‍ ജാവയെ അഭിനന്ദിച്ച് ഫഹദ് ഫാസിലും; സന്തോഷം പങ്കുവെച്ച് സംവിധായകന്‍
എന്റര്‍ടെയിന്‍മെന്റ് ഡെസ്‌ക്
Friday, 28th May 2021, 6:53 pm
കൊച്ചി: ഓപ്പറേഷന്‍ ജാവ സംവിധാനം ചെയ്ത തരുണ്‍ മൂര്‍ത്തിക്ക് അഭിനന്ദനങ്ങളുമായി നടന്‍ ഫഹദ് ഫാസിലും. ചിത്രത്തിന്റെ സംവിധായകന്‍ തരുണ്‍ മൂര്‍ത്തിക്കയച്ച സന്ദേശത്തില്‍ ചിത്രം വളരെയധികം ഇഷ്ടപ്പെട്ടെന്നും ശരിക്കും ആസ്വദിച്ചെന്നും ഫഹദ് അയച്ച സന്ദേശത്തില്‍ പറയുന്നു.
തരുണ്‍ തന്നെയാണ് ഫഹദ് അഭിനന്ദനങ്ങള്‍ അറിയിച്ച വിവരം തന്റെ ഫേസ്ബുക്ക് പേജിലൂടെ പുറത്തുവിട്ടത്. നേരത്തെ നടന്മാരായ പൃഥ്വിരാജും സുരേഷ്‌ഗോപിയും തരുണിനെ അഭിനന്ദിച്ചെത്തിയിരുന്നു.
മൂര്‍ത്തിക്കയച്ച വാട്‌സ്ആപ്പ് സന്ദേശത്തിലൂടെയാണ് ഓപ്പറേഷന്‍ ജാവ ഏറെ ഇഷ്ടപെട്ടുവെന്നും ഇനിയും തരുണ്‍ മൂര്‍ത്തിയില്‍ നിന്നും മികച്ച സിനിമകള്‍ പ്രതീക്ഷിക്കുന്നു എന്നും പൃഥ്വിരാജ് പറഞ്ഞത്.
‘ഇത് പോരെ അളിയാ’ എന്ന ക്യാപ്ഷനോടെ തരുണ്‍ മൂര്‍ത്തി തന്നെയാണ് സന്ദേശം ഫേസ്ബുക്കില്‍ പങ്കുവെച്ചത്.
