100 കോടി; ആര്‍.ഡി.എക്സ് ചരിത്രത്തിലേക്ക്
എന്റര്‍ടെയിന്‍മെന്റ് ഡെസ്‌ക്
Saturday, 23rd September 2023, 6:10 pm
നഹാസ് ഹിദായത്ത് സംവിധാനം ചെയ്ത ആര്‍.ഡി.എക്സിന്റെ കളക്ഷന്‍ 100 കോടിയായി. ഇതോടെ മലയാള സിനിമയുടെ ചരിത്രത്തിലേക്ക് തന്നെയാണ് ചിത്രം കാലെടുത്ത് വെക്കുന്നത്. 100 കോടി കളക്ട് ചെയ്യുന്ന നാലാമത് മലയാള ചലച്ചിത്രമായിരിക്കുകയാണ് ആര്‍.ഡി.എക്സ്.
2018, ലൂസിഫര്‍, പുലിമുരുകന്‍ എന്നിവയാണ് ആര്‍.ഡി.എക്‌സിന് മുമ്പ് ഈ നേട്ടം കൈ വരിച്ചത്. വലിയ ഹൈപ്പോ താരനിരയോ പ്രതീക്ഷകളുടെ അമിത ഭാരമോ ഇല്ലാതെ വന്ന് 100 കോടി കളക്ഷനിട്ടത് ചിത്രത്തിന് ഇരട്ടി മധുരമായിരിക്കുകയാണ്.
ആന്റണി വര്‍ഗീസ്, നീരജ് മാധവ്, ഷെയ്ന്‍ നിഗം എന്നിവര്‍ കേന്ദ്രകഥാപാത്രങ്ങളായെത്തിയ ആര്‍.ഡി.എക്സ് തിയേറ്ററുകളില്‍ മികച്ച പ്രതികരണം നേടി പ്രദര്‍ശനം തുടരുകയാണ്.
