ജഡേജയുടെ ഭാര്യ ബി.ജെ.പിയില്‍ ചേര്‍ന്നു; തൊട്ട് പിന്നാലെ കോണ്‍ഗ്രസ് അംഗത്വം സ്വീകരിച്ച് അഛനും സഹോദരിയും
ഡൂള്‍ന്യൂസ് ഡെസ്‌ക്
Sunday, 14th April 2019, 3:38 pm
ജംനഗര്‍: ഇന്ത്യന്‍ ക്രിക്കറ്റ് താരം രവീന്ദ്ര ജഡേജയുടെ അച്ഛനും സഹോദരിയും കോണ്‍ഗ്രസില്‍ ചേര്‍ന്നു. ഞായറാഴ്ച ജംനഗറില്‍ കോണ്‍ഗ്രസ് തെരഞ്ഞെടുപ്പ് യോഗത്തിലാണ് ജഡേജയുടെ പിതാവ് അനിരുദ്ധ്‌സിങ്ങിന്റെ സാന്നിധ്യത്തില്‍ മൂത്ത സഹോദരി നൈന കോണ്‍ഗ്രസ് അംഗത്വം സ്വീകരിച്ചത്.
ലോക്‌സഭാ തെരഞ്ഞെടുപ്പില്‍ കോണ്‍ഗ്രസിനായി പ്രചാരണത്തിനിറങ്ങുമെന്ന് കോണ്‍ഗ്രസ് പ്രവേശത്തിന് പിന്നാലെ നൈന പറഞ്ഞു. സ്വകാര്യ ആശുപത്രിയിലെ പാരാമെഡിക്കല്‍ ജീവനക്കാരിയായ നൈന നാഷനല്‍ വിമെന്‍സ് പാര്‍ട്ടി അംഗമായിരുന്നു
കഴിഞ്ഞ ആഴിച്ച ജഡേജയുടെ ഭാര്യ റിവാബ ജഡേജ ബി.ജെ.പിയില്‍ ചേര്‍ന്നിരുന്നു. അതിന് പിന്നാലെയാണ് കോണ്‍ഗ്രസ് അംഗ്വതം ഏറ്റെടുത്ത് കൊണ്ട് ജഡേജയുടെ അച്ഛനും സഹോദരിയും രംഗത്തെത്തിയത്.
