"ക്ഷത്രിയനാ... ക്ഷത്രിയന്‍"; റെയ്നയ്ക്ക് പിന്നാലെ ജാതീയ പരാമര്‍ശവുമായി ജഡേജയും, വിമര്‍ശിച്ച് സോഷ്യല്‍ മീഡിയ
സ്പോര്‍ട്സ് ഡെസ്‌ക്
Saturday, 24th July 2021, 3:51 pm
മുംബൈ: സുരേഷ് റെയ്നയ്ക്ക് പിന്നാലെ ചെന്നൈ സൂപ്പര്‍ കിംഗ്‌സിന്റെ ഇന്ത്യന്‍ താരം രവീന്ദ്ര ജഡേജയും ജാതീയ പരാമര്‍ശത്തില്‍ വിവാദത്തില്‍. രജ്പുത് ബോയ് ഫോര്‍ എവര്‍ എന്ന ഹാഷ്ടാഗിലുള്ള ജഡേജയുടെ ട്വീറ്റാണ് വിവാദത്തിലായിരിക്കുന്നത്.
ഹിന്ദുക്കളിലെ ക്ഷത്രിയ വിഭാഗം എന്നറിയപ്പെടുന്ന സമുദായമാണ് രജ്പുതുകള്‍.
ക്രിക്കറ്റ് കമന്ററിയ്ക്കിടെ താനും ബ്രാഹ്‌മണനാണെന്ന സുരേഷ് റെയ്നയുടെ പരാമര്‍ശം വലിയ വിവാദങ്ങള്‍ക്ക് വഴിവെച്ചിരുന്നു. സോഷ്യല്‍ മീഡിയയില്‍ ഇത് ട്രെന്‍ഡിംഗാകുന്നതിനിടെയാണ് ജഡേജയുടെ ട്വീറ്റ്.
ഇതോടെ ഇതിനെതിരേയും സോഷ്യല്‍ മീഡിയ രംഗത്തെത്തി. ജാതീയമായ ഉച്ചനീചത്വങ്ങളെ മഹത്വവല്‍ക്കരിക്കുന്നതാണ് ജഡേജയുടെ ട്വീറ്റെന്നാണ് പലരുടേയും അഭിപ്രായം. മനുഷ്യനായതിലും ഇന്ത്യക്കാരനായതിലും അഭിമാനിച്ചുകൂടെ എന്നാണ് മറ്റ് ചിലര്‍ ജഡേജയോട് ചോദിക്കുന്നത്.
