ക്യാപ്റ്റനാകാനില്ല: റാഷിദ് ഖാന്‍
സ്പോര്‍ട്സ് ഡെസ്‌ക്
Friday, 4th June 2021, 10:15 pm
അഫ്ഗാനിസ്ഥാന്‍ ടി-20 ക്രിക്കറ്റ് ടീമിന്റെ നായകസ്ഥാനം ഏറ്റെടുക്കാനില്ലെന്ന് സ്പിന്നര്‍ റാഷിദ് ഖാന്‍. ക്യാപ്റ്റന്‍സി തന്റെ പ്രകടനത്തെ ബാധിച്ചേക്കുമെന്ന് ഭയക്കുന്നതായും താരം പറഞ്ഞു.
നിലവില്‍ വൈസ് ക്യാപ്റ്റനാണ് റാഷിദ്. വൈസ് ക്യാപ്റ്റനാകുകയെന്നതാണ് തനിക്ക് സാധിക്കുകയെന്നും അവശ്യസമയങ്ങളില്‍ ക്യാപ്റ്റനെ സഹായിക്കുമെന്നും റാഷിദ് പറഞ്ഞു.
‘എന്റെ പ്രകടനം ടീമിന് നിര്‍ണായകമാണ്. പ്രത്യേകിച്ച് ലോകകപ്പ് അടുത്ത സാഹചര്യത്തില്‍,’ റാഷിദ് ഖാന്‍ പറഞ്ഞു.
2019 ലോകകപ്പിന് രണ്ട് മാസം മുന്‍പാണ് അസ്ഗറില്‍ നിന്ന് അഫ്ഗാനിസ്ഥാന്‍ ക്യാപ്റ്റന്‍സി എടുത്തുമാറ്റുന്നത്. മൂന്ന് ഫോര്‍മാറ്റിലും മൂന്ന് പേരെയാണ് ടീം ക്യാപ്റ്റനായി നിയമിച്ചത്.
