ഏറെ നാളത്തെ ഫോമൗട്ടിന് ശേഷം തങ്ങളുടെ പഴയ പ്രതാപം തിരിച്ചുപിടിക്കാനുള്ള നീക്കത്തിലാണ് സ്പാനിഷ് ക്ലബ്ബായ ബാഴ്സലോണ. പുതിയ കോച്ചായ മുന്‍ ഇതിഹാസം സാവിയുടെ കീഴില്‍ ഒരുപാട് മാറ്റങ്ങള്‍ കൊണ്ടുവരാന്‍ ബാഴ്‌സ ശ്രമിക്കുന്നുണ്ട്.
അടുത്ത സീസണില്‍ മികച്ച ടീമിനെ ഇറക്കണമെന്ന വാശിയില്‍ മികച്ച താരങ്ങളെ തന്നെയാണ് ക്ലബ്ബ് നോട്ടമിടുന്നത്. ഇപ്പോഴിതാ ബ്രസീലിന്റെ മുന്നേറ്റനിരയിലെ സൂപ്പര്‍താരമായ റാഫിന്യയെ സ്വന്തമാക്കാന്‍ ഒരുങ്ങുകയാണ് ബാഴ്സലോണ.
ഗോള്‍ ഡോട്ട് കോം ഉള്‍പ്പെടെ യൂറോപ്പിലെ പ്രമുഖ മാധ്യമങ്ങളെല്ലാം ഇക്കാര്യം സ്ഥിരീകരിക്കുന്നുണ്ട്. 65 മില്യണ്‍ പൗണ്ട് നല്‍കിയാണ് റാഫിന്യയെ ബാഴ്സലോണ സ്വന്തമാക്കുന്നത്.
താരത്തിനായി 55 മില്യണ്‍ യൂറോ ആദ്യം നല്‍കുന്ന ബാഴ്സലോണ പത്തു മില്യണ്‍ യൂറോ ആഡ് ഓണുകളുടെ രൂപത്തിലാണ് കരാറില്‍ ഉള്‍ക്കൊള്ളിച്ചിരിക്കുന്നത്. 2027 വരെ കരാര്‍ ഒപ്പിടുന്ന റാഫിന്യ ഉടനെ തന്നെ മെഡിക്കല്‍ നടപടിക്രമങ്ങള്‍ പൂര്‍ത്തിയാക്കി കാറ്റലന്‍ ക്ലബിനൊപ്പം ചേരുമെന്നാണ് പ്രതീക്ഷിക്കുന്നത്.
Raphinha will sign with Barcelona until June 2027. Five year deal with his agent Deco was agreed almost five months ago – and it made the difference in this crazy saga. 🚨🇧🇷 #FCB
Player already planning travel to Barcelona in order to undergo the medical and sign the contract. pic.twitter.com/NuqRiJIBML
— Fabrizio Romano (@FabrizioRomano) July 12, 2022
