കണ്ണൂര്‍: പരിയാരം മെഡിക്കല്‍ കേളേജ് വിദ്യാര്‍ത്ഥിയെ ബലാല്‍സംഗം ചെയ്യാന്‍ ശ്രമം. ഡിപ്ലോമ വിദ്യാര്‍ത്ഥിനിയെയാണ് അസാം സ്വദേശി കുറ്റിക്കാട്ടില്‍ തട്ടികൊണ്ടുപോയി പീഡിപ്പിക്കാന്‍ ശ്രമിച്ചത്. പെണ്‍കുട്ടിയുടെ ബഹളം കേട്ടെത്തിയ നാട്ടുകാരാണ് ഇവരെ രക്ഷിച്ചത്.
അസാം സ്വദേശിക്ക് വേണ്ടി പോലീസ് തിരച്ചില്‍ നടത്തുകയാണ്. രാവിലെ ഒന്‍പത് മണിയോട് കൂടിയാണ് സംഭവം. പരിയാരം മെഡിക്കല്‍ കോളജിന് സമീപത്തെ ഹോസ്റ്റലില്‍ നിന്ന് കോളജിലേക്ക് വരികയായിരുന്നു വിദ്യാര്‍ത്ഥിനിയെ കുറ്റിക്കാട്ടിലേക്ക് തട്ടികൊണ്ടുപോയി ബലാല്‍സംഗം ചെയ്യാന്‍ ശ്രമിക്കുകയായിരുന്നു.
വിദ്യാര്‍ത്ഥിനിയുടെ കരച്ചില്‍ കേട്ട് സമീപത്തുണ്ടായിരുന്നവര്‍ എത്തിയപ്പോഴേക്കും പ്രതി ഓടി രക്ഷപ്പെട്ടു. പരിക്കേറ്റ വിദ്യാര്‍ത്ഥിനി ഇപ്പോള്‍ മെഡിക്കല്‍ കോളജ് ആശുപത്രിയില്‍ ചികിത്സയിലാണ്. സമീപത്ത് താമസിക്കുന്ന ഹോട്ടല്‍ തൊഴിലാളിയായ അസം സ്വദേശി സെയ്ദുല്‍ ഇസ്‌ലാമാണ് ബലാല്‍സംഗ ശ്രമം നടത്തിയത് എന്ന് പൊലീസ് പറഞ്ഞു. പെണ്‍കുട്ടിയുടെ പരാതിയില്‍ പരിയാരം പൊലീസ് കേസെടുത്ത് അന്വേഷണം ആരംഭിച്ചു.