രഞ്ജി ട്രോഫിയിലെ കേരളം – ബംഗാള്‍ മത്സരത്തില്‍ തിളങ്ങി ജലജ് സക്സേന. മത്സരത്തിന്റെ നാലാം ദിനം ചായക്ക് പിരിയുമ്പോള്‍ 13 വിക്കറ്റുകളുമായാണ് ജലജ് പന്തെറിയുന്നത്.
നിലവില്‍ 324 റണ്‍സിന് ഏഴ് വിക്കറ്റ് എന്ന നിലയിലാണ് ബംഗാള്‍ ബാറ്റിങ് തുടരുന്നത്. 125 റണ്‍സ് കൂടിയാണ് ബംഗാളിന് വിജയിക്കാന്‍ ആവശ്യമുള്ളത്. മൂന്ന് വിക്കറ്റ് വീഴ്ത്തിയാല്‍ കേരളത്തിനും വിജയിക്കാം.
Tea break: Bengal – 324/7 in 81.6 overs (Suraj Sindhu Jaiswal 5 off 9, Shahbaz 74 off 86) #KERvBEN#RanjiTrophy#Elite
നേരത്തെ ടോസ് നേടി ആദ്യം ബാറ്റിങ് തെരഞ്ഞെടുത്ത കേരളം സച്ചിന്‍ ബേബിയുടെയും അക്ഷയ് ചന്ദ്രന്റെയും സെഞ്ച്വറി കരുത്തില്‍ 363 റണ്‍സ് നേടി. സച്ചിന്‍ 261 പന്തില്‍ 124 റണ്‍സ് നേടിയപ്പോള്‍ 222 പന്തില്‍ 106 റണ്‍സാണ് അക്ഷയ് ചന്ദ്രന്‍ അടിച്ചെടുത്തത്. 40 റണ്‍സ് നേടിയ ജലജ് സക്സേനയും നിര്‍ണായകമായി.
സൂപ്പര്‍ താരം ജലജ് സക്സേനയുടെ ബൗളിങ് കരുത്തില്‍ ബംഗാള്‍ ആദ്യ ഇന്നിങ്സില് തകര്‍ന്നടിഞ്ഞു. 180 റണ്‍സിനാണ് ബംഗാള്‍ ആദ്യ ഇന്നിങ്സില് പുറത്തായത്.
183 റണ്‍സിന്റെ ഒന്നാം ഇന്നിങ്സ് ലീഡുമായി ബാറ്റിങ് ആരംഭിച്ച കേരളം രണ്ടാം ഇന്നിങ്സില് 265ന് ആറ് എന്ന നിലയില്‍ ഡിക്ലയര്‍ ചെയ്തു. വൈസ് ക്യാപ്റ്റന്‍ രോഹന്‍ എസ്. കുന്നുമ്മല്‍, സച്ചിന്‍ ബേബി, ശ്രേയസ് ഗോപാല്‍ എന്നിവരുടെ അര്‍ധ സെഞ്ച്വറികളാണ് കേരളത്തിന് തുണയായത്.
