ഇന്ത്യയിലെ ലൈംഗികാതിക്രമ കേസുകള്‍ ചര്‍ച്ചചെയ്യുന്ന ബോളിവുഡ് ചിത്രം മര്‍ദാനി 2 വിന്റെ ട്രെയിലറിന് മികച്ച പ്രതികരണം. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ട്രെയിലര്‍ ഇന്ത്യയിലെ യാഥാര്‍ഥ്യങ്ങളെ തുറന്നു കാട്ടുന്നു എന്നാണ് സോഷ്യല്‍ മീഡിയ അഭിപ്രായപ്പെടുന്നത്.
നടി റാണി മുഖര്‍ജി മുഖ്യകഥാപാത്രമായി എത്തുന്ന സിനിമയില്‍ പെണ്‍കുട്ടികളെ ലൈംഗികമായി അക്രമിച്ച് കൊലപ്പെടുത്തുന്ന സീരിയല്‍ കില്ലറെ അന്വേഷിക്കുന്ന പൊലീസുദ്യോഗസ്ഥയായ ശിവാനി ശിവജി എന്ന കഥാപാത്രമായാണ് റാണി എത്തുന്നത്.2014 ല്‍ മര്‍ദാനി എന്ന പേരിലിറങ്ങിയ ഈ സിനിമയുടെ ഒന്നാം ഭാഗം മികച്ച അഭിപ്രായം നേടിയിരുന്നു.രാജസ്ഥാനിലെ കോട്ടയാണ് ചിത്രത്തിന്റെ കഥാപരിസരം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഇന്ത്യയില്‍ ബലാംത്സംഘക്കേസുകളിലെയും പ്രതികള്‍ 18 വയസ്സിനു താഴെയുള്ള ആണ്‍കുട്ടികളാണെന്ന ടൈറ്റിലോടെയാണ് ട്രെയിലര്‍ തുടങ്ങുന്നത്. സീരിയല്‍ റേപിസ്റ്റായ പിടികിട്ടാപുള്ളിയെ പ്രതിയെ കണ്ടു പിടിക്കാന്‍ ശ്രമിക്കുന്ന ശിവാനിയുടെ ശ്രമങ്ങളാണ് ട്രെയിലറില്‍ കാണാനാവുന്നത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
യഷ് രാജ് ഫിലിംസിന്റെ ബാനറില്‍ ആദിത്യ ചോപ്ര നിര്‍മിക്കുന്ന ചിത്രത്തിന്റെ ഒന്നാം ഭാഗത്തിന്റെ തിരക്കഥാകൃത്തായിരുന്ന ഗോപി പുത്രനാണ് മര്‍ദാനി 2 വിന്റെ സംവിധാനും തിരക്കഥയും നിര്‍വ്വഹിക്കുന്നത്. ഡിസംബര്‍ 13 നാണ് ചിത്രം തിയ്യറ്ററുകളില്‍ എത്തുന്നത്.