സീരിയല്‍ കില്ലറെ കണ്ടു പിടിക്കാനായി റാണി മുഖര്‍ജി; മര്‍ദാനി 2 വിന്റെ ട്രെയിലറിന് മികച്ച പ്രതികരണം
ഡൂള്‍ന്യൂസ് ഡെസ്‌ക്
Friday, 15th November 2019, 10:50 pm
ഇന്ത്യയിലെ ലൈംഗികാതിക്രമ കേസുകള്‍ ചര്‍ച്ചചെയ്യുന്ന ബോളിവുഡ് ചിത്രം മര്‍ദാനി 2 വിന്റെ ട്രെയിലറിന് മികച്ച പ്രതികരണം. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ട്രെയിലര്‍ ഇന്ത്യയിലെ യാഥാര്‍ഥ്യങ്ങളെ തുറന്നു കാട്ടുന്നു എന്നാണ് സോഷ്യല്‍ മീഡിയ അഭിപ്രായപ്പെടുന്നത്.
നടി റാണി മുഖര്‍ജി മുഖ്യകഥാപാത്രമായി എത്തുന്ന സിനിമയില്‍ പെണ്‍കുട്ടികളെ ലൈംഗികമായി അക്രമിച്ച് കൊലപ്പെടുത്തുന്ന സീരിയല്‍ കില്ലറെ അന്വേഷിക്കുന്ന പൊലീസുദ്യോഗസ്ഥയായ ശിവാനി ശിവജി എന്ന കഥാപാത്രമായാണ് റാണി എത്തുന്നത്.2014 ല്‍ മര്‍ദാനി എന്ന പേരിലിറങ്ങിയ ഈ സിനിമയുടെ ഒന്നാം ഭാഗം മികച്ച അഭിപ്രായം നേടിയിരുന്നു.രാജസ്ഥാനിലെ കോട്ടയാണ് ചിത്രത്തിന്റെ കഥാപരിസരം.
