അന്ന് ആ സിനിമ ഒരു ദുരന്തമായിരുന്നു, എന്തുകൊണ്ട് പരാജയപ്പെട്ടു എന്നെനിക്ക് മനസിലായി: രണ്‍ബീര്‍ കപൂര്‍
എന്റര്‍ടെയിന്‍മെന്റ് ഡെസ്‌ക്
Tuesday, 26th December 2023, 11:32 pm
ഇംതിയാസ് അലിയുടെ സംവിധാനത്തില്‍ 2015ല്‍ പുറത്ത് വന്ന ചിത്രമാണ് തമാശ. രണ്‍ബീര്‍ കപൂര്‍, ദീപിക പദുക്കോണ്‍ എന്നിവരാണ് ചിത്രത്തില്‍ അഭിനയിച്ചത്. റിലീസ് സമയത്ത് ചിത്രം വലിയ പരാജയമായിരുന്നെങ്കിലും പിന്നീട് ചിത്രത്തിന് വലിയ ആരാധക വൃന്ദമുണ്ടായിരുന്നു.
തമാശയുടെ പരാജയത്തെ പറ്റി സംസാരിക്കുകയാണ് രണ്‍ബീര്‍ കപൂര്‍. അന്ന് ആ സിനിമ ഒരു ദുരന്തമായിരുന്നുവെന്നും ഇന്ന് ഒരുപാട് ആളുകള്‍ ആ ചിത്രത്തെ പറ്റി തന്നോട് സംസാരിക്കാറുണ്ടെന്നും രണ്‍ബീര്‍ പറഞ്ഞു. തമാശയുടെ ഭാഗമായതില്‍ സന്തോഷമുണ്ടെന്നും രണ്‍ബീര്‍ പറഞ്ഞു. ബ്രൂട്ട് ഇന്ത്യ നടത്തിയ പരിപാടിയില്‍ സംസാരിക്കുകയായിരുന്നു അദ്ദേഹം.
