പലരും പ്രചരിപ്പിക്കുന്നത് സിനിമയില്‍ അവസരം കുറഞ്ഞതുകൊണ്ടാണ് ഞാന്‍ യൂട്യൂബ് ചാനല്‍ തുടങ്ങിയതെന്നാണ്; രമ്യ നമ്പീശന്‍
എന്റര്‍ടെയിന്‍മെന്റ് ഡെസ്‌ക്
Sunday, 17th January 2021, 6:22 pm
അഭിനയം കൊണ്ടും തന്റേതായ നിലപാടുകള്‍ കൊണ്ടും ശ്രദ്ധേയയായ നടിയാണ് രമ്യ നമ്പീശന്‍. അഭിനയത്തിനൊപ്പം തന്നെ നൃത്തവും പാട്ടും ഒപ്പം കൊണ്ടുപോവാന്‍ രമ്യ ശ്രമിക്കാറുണ്ട്. ലോക്ക്ഡൗണ്‍ കാലത്ത് തന്റെ യൂട്യൂബ് ചാനലില്‍ വീഡിയോകള്‍ ഇട്ടുകൊണ്ടും രമ്യ സജീവമായിരുന്നു.
താന്‍ യൂട്യൂബ് ചാനല്‍ തുടങ്ങിയതുമായി ബന്ധപ്പെട്ട് വന്ന വിമര്‍ശനങ്ങള്‍ക്ക് മറുപടി പറയുകയാണ് സ്റ്റാര്‍ ആന്‍ഡ് സ്റ്റൈല്‍ മാഗസിനു നല്‍കിയ അഭിമുഖത്തില്‍ രമ്യ നമ്പീശന്‍. പലരും പ്രചരിപ്പിക്കുന്നത് സിനിമയില്‍ അവസരം കുറഞ്ഞതുകൊണ്ടാണ് താന്‍ യൂട്യൂബ് ചാനല്‍ തുടങ്ങിയതെന്നാണെന്ന് രമ്യ പറയുന്നു.
എന്നാല്‍ 2019ല്‍ ആറ് സിനിമകളില്‍ താന്‍ അഭിനയിച്ചിട്ടുണ്ടെന്നും പിന്നെ എന്തടിസ്ഥാനത്തിലാണ് അവസരം കുറഞ്ഞെന്ന് പ്രചരിപ്പിക്കുന്നതെന്നും രമ്യ ചോദിക്കുന്നു.
