കോഴിക്കോട്: ആരാധകര്‍ക്ക് വമ്പന്‍ സസ്‌പെന്‍സിന് വഴി തുറന്ന് നടനും സംവിധായകനുമായ രമേശ് പിഷാരടി. ഫേസ്ബുക്ക് പോസ്റ്റിലൂടെയാണ് രമേശ് സസ്‌പെന്‍സ് വിവരം ആരാധകരെ അറിയിച്ചത്.
പഞ്ചവര്‍ണ്ണതത്ത എന്ന രമേശ് പിഷാരടി സംവിധാനം ചെയ്യുന്ന ചിത്രത്തിന്റെ സംഗീതസംവിധാനം ഔസേപ്പച്ചനാണ്. അദ്ദേഹത്തിനൊപ്പമുള്ള ചിത്രത്തോടൊപ്പമാണ് രമേശ് ഫേസ്ബുക്കില്‍ കുറിപ്പെഴുതിയത്.
ആരാധകരോട് അവര്‍ക്കേറ്റവും ഇഷ്ടപ്പെട്ട ഔസേപ്പച്ചന്റെ ഗാനം കമന്റു ചെയ്യാന്‍ രമേശ് പിഷാരടി ആവശ്യപ്പെട്ടു. “പഞ്ചവര്‍ണ്ണതത്ത”യുടെ പശ്ചാത്തല സംഗീതം ഒരുക്കുന്നതിനിടെ ഔസേപ്പച്ചനോട് അദ്ദേഹത്തിന്റെ മനോഹര ഗാനങ്ങളെ പറ്റി സംസാരിച്ചുവെന്നും രമേശ് പിഷാരടി പോസ്റ്റില്‍ പറയുന്നു.
അപ്പോള്‍ തോന്നിയ ഒരു കൗതുകം ഉണ്ടെന്നും നിങ്ങള്‍ക്കിഷ്ടപ്പെട്ട ഔസേപ്പച്ചന്റെ ഗാനം കമന്റു ചെയ്യാനും ആവശ്യപ്പെട്ട രമേശ്, ബാക്കിയെല്ലാം സര്‍പ്രൈസാണെന്നും പോസ്റ്റില്‍ പറയുന്നു. എന്താണ് രമേശ് പിഷാരടി കാത്തുവെച്ച സര്‍പ്രൈസ് എന്നറിയാനുള്ള അടങ്ങാത്ത ആകാംക്ഷയിലും ആരാധകര്‍ ഔസേപ്പച്ചന്റെ തങ്ങള്‍ക്കിഷ്ടപ്പെട്ട ഗാനം കമന്റു ചെയ്യുന്നുണ്ട്.
മണിയന്‍പിള്ള രാജു നിര്‍മ്മിക്കുന്ന “പഞ്ചവര്‍ണ്ണതത്ത”യില്‍ നായകന്‍ ജയറാമാണ്. കുഞ്ചാക്കോ ബോബനും ചിത്രത്തില്‍ പ്രധാന വേഷത്തിലെത്തുന്നു. ഹരി പി. നായരാണ് തിരക്കഥ.
രമേശ് പിഷാരടിയുടെ ഫേസ്ബുക്ക് പോസ്റ്റ്: