മോദി ചെയ്യുന്നതാണ് പിണറായിയും ചെയ്യുന്നത്; കെ.എം ഷാജിക്കെതിരെ കേസെടുക്കാനുള്ള നീക്കം രാഷ്ട്രീയപ്രേരിതമെന്ന് രമേശ് ചെന്നിത്തല
ഡൂള്‍ന്യൂസ് ഡെസ്‌ക്
Friday, 17th April 2020, 5:17 pm
തിരുവനന്തപുരം: കെ.എം ഷാജി എം.എല്‍.എയ്‌ക്കെതിരെ കേസെടുക്കാനുള്ള സര്‍ക്കാര്‍ നീക്കം രാഷ്ട്രീയപ്രേരിതമാണെന്ന് പ്രതിപക്ഷ നേതാവ് രമേശ് ചെന്നിത്തല. കേന്ദ്രത്തില്‍ മോദി ചെയ്യുന്നതാണ് പിണറായിയും ചെയ്യുന്നതെന്ന് ചെന്നിത്തല ആരോപിച്ചു.
അധികാരം ഉപയോഗിച്ച് എതിര്‍ശബ്ദങ്ങള്‍ ഇല്ലാതാക്കാന്‍ ശ്രമിക്കുകയാണ്. ഇതുകൊണ്ട് യു.ഡി.എഫിനെ തളര്‍ത്താനാകില്ല. നിയമപരമായും രാഷ്ട്രീയമായും നേരിടും.
അതേസമയം തനിക്കെതിരെ കേസെടുക്കാനുള്ള വിജിലന്‍സ് നീക്കം രാഷ്ട്രീയപകപോക്കലെന്ന് കെ.എം ഷാജി എം.എല്‍.എ പ്രതികരിച്ചു. കേസിന് പിന്നില്‍ പിണറായി വിജയനാണ്.
