രാം പൊതിനേനിയെ നായകനാക്കി പുരി ജഗന്നാഥ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ഡബിള്‍ ഐസ്മാര്‍ട്ട്’. സിനിമയുടെ ടീസര്‍ മെയ് 15ന് റിലീസ് ചെയ്യും. പുരി കണക്ട്സിന്റെ ബാനറില്‍ പുരി ജഗന്നാഥും ചാര്‍മി കൗറും ചേര്‍ന്നാണ് ഈ ബിഗ് ബജറ്റ് ചിത്രം നിര്‍മിക്കുന്നത്.
ഡബിള്‍ ഐസ്മാര്‍ട്ടിന്റെ ചിത്രീകരണം മുംബൈയില്‍ പുരോഗമിക്കുകയാണ്. ചിത്രത്തിലെ പ്രധാന അഭിനേതാക്കള്‍ ഉള്‍പ്പെടുന്ന ഭാഗങ്ങളാണ് ചിത്രീകരിക്കുന്നത്. തെലുങ്ക്, തമിഴ്, കന്നഡ, മലയാളം, ഹിന്ദി എന്നീ ഭാഷകളിലായി പ്രദര്‍ശനത്തിനെത്തുന്ന ഈ പാന്‍ ഇന്ത്യന്‍ ചിത്രം ഉടന്‍ റിലീസ് ചെയ്യാനുള്ള ഒരുക്കത്തിലാണ് അണിയറപ്രവര്‍ത്തകര്‍.
സഞ്ജയ് ദത്ത് ശക്തമായ ഒരു കഥാപാത്രത്തെ ‘ഡബിള്‍ ഐസ്മാര്‍ട്ടി’ല്‍ അവതരിപ്പിക്കുന്നുണ്ട്. രാം പൊതിനേനി ചിത്രത്തിനായ് കിടിലന്‍ സ്‌റ്റൈലിഷ് മേക്കോവറാണ് നടത്തിയിട്ടുള്ളത്. ഡബിള്‍ ആക്ഷന്‍, ഡബിള്‍ മാസ്, ഡബിള്‍ വിനോദം എന്നിവയാണ് ഈ ചിത്രത്തിലൂടെ ടീം ഉറപ്പുനല്‍കുന്നത്.
2019 ജൂലൈ 18ന് റിലീസ് ചെയ്ത ‘ഐസ്മാര്‍ട്ട് ശങ്കര്‍’ എന്ന ചിത്രത്തിന്റെ രണ്ടാംഭാഗമാണ് ‘ഡബിള്‍ ഐസ്മാര്‍ട്ട്’. രാം പൊതിനേനിയും പുരി ജഗന്നാഥും വീണ്ടും ഒന്നിക്കുന്ന ഈ സിനിമക്കായി വന്‍ പ്രതീക്ഷയോടെയാണ് പ്രേക്ഷകര്‍ കാത്തിരിക്കുന്നത്.
‘ഐസ്മാര്‍ട്ട് ശങ്കര്‍’ ഉള്‍പ്പെടെ നിരവധി സിനിമകളില്‍ പുരി ജഗന്നാഥിന് വേണ്ടി സെന്‍സേഷണല്‍ സംഗീതം ഒരുക്കിയ മണി ശര്‍മയാണ് ‘ഡബിള്‍ ഐസ്മാര്‍ട്ടി’ന്റെയും സംഗീതസംവിധായകന്‍. സി.ഇ.ഒ: വിഷ്ണു റെഡ്ഡി, ഛായാഗ്രഹണം: സാം കെ. നായിഡു, ജിയാനി ജിയാനെലി, ആക്ഷന്‍: കേച്ച, റിയല്‍ സതീഷ്, പി.ആര്‍.ഒ: ശബരി.
Content Highlight: Ram Pothineni’s Movie Double ISmart Movie Teaser Out Soon
