ആര്‍.ആര്‍.ആര്‍ സര്‍ക്കസ് കാണുന്ന പ്രതീതിയാണ് തന്നത്: രാംഗോപാല്‍ വര്‍മ
എന്റര്‍ടെയിന്‍മെന്റ് ഡെസ്‌ക്
Wednesday, 24th August 2022, 11:55 pm
2022-ലെ ഏറ്റവും വലിയ വിജയചിത്രങ്ങളിലൊന്നായിരുന്നു എസ്.എസ് രാജമൗലി സംവിധാനം ചെയ്ത ആര്‍.ആര്‍.ആര്‍. തിയേറ്ററില്‍ വന്‍വിജയം നേടിയ ചിത്രം ഒ.ടി.ടി റിലീസായതോടെ ലോകശ്രദ്ധ ആകര്‍ഷിച്ചു.
ബോക്‌സ് ഓഫീസ് കളക്ഷന്‍ റെക്കോര്‍ഡുകള്‍ ഭേദിച്ച ചിത്രത്തെക്കുറിച്ച് തുടര്‍ച്ചയായി വിമര്‍ശനം ഉന്നയിക്കുകയാണ് സംവിധായകന്‍ രാംഗോപാല്‍ വര്‍മ.
ആര്‍.ആര്‍.ആര്‍ തന്നത് ഒരു സര്‍ക്കസ് കാണുന്ന പ്രതീതിയാണെന്നും. നായകന്മാരായ ജൂനിയര്‍ എന്‍.ടി.ആറും രാംചരണ്‍ തേജയും പ്രൊഫഷണല്‍ ജിംനാസ്റ്റിക് കലാകാരന്മാരായാണ് തോന്നിയതെന്നുമാണ് രാംഗോപാല്‍ വര്‍മ പറഞ്ഞത്. എന്നാല്‍ ചിത്രത്തിലെ തീവണ്ടി അപകട രംഗത്തെ അദ്ദേഹം പുകഴ്ത്തുകയും ചെയ്തു.
