മുംബൈ: തന്റെ സ്തനങ്ങള്‍ ദാനം ചെയ്യാന്‍ താല്‍പര്യമുണ്ടെന്ന് മോഡലും നടിയുമായ രാഖി സാവന്ത്. ഇന്‍സ്റ്റഗ്രാമില്‍ പോസ്റ്റു ചെയ്ത വീഡിയോയിലൂടെയാണ് രാഖി ഇക്കാര്യം അറിയിച്ചത്.
ദാനം ചെയ്യാന്‍ തന്റെ കയ്യില്‍ അതു മാത്രമാണുള്ളതെന്നും അതിനാല്‍ സ്തനങ്ങള്‍ ദാനം ചെയ്യാന്‍ ആഗ്രഹമുണ്ടെന്നുമാണ് രാഖി പറഞ്ഞത്. രാഖിയുടെ വീഡിയോ ഇതിനകം വൈറലായിക്കഴിഞ്ഞു.
ഒരു നടിയുടെ കണ്ണുകളെ പുകഴ്ത്തിയാണ് രാഖി വീഡിയോ ആരംഭിക്കുന്നത്. നടി ഐശ്വര്യാ റായ് ബച്ചന്‍ കണ്ണുകള്‍ ദാനം ചെയ്തതിനാല്‍ അവരെക്കുറിച്ചാണ് ഇത് പറയുന്നതെന്നാണ് ഊഹം. മറ്റുള്ളവര്‍ക്കുവേണ്ടി തങ്ങളുടെ അവയവഭാഗങ്ങളും അവയവങ്ങളും ദാനം ചെയ്തുകൊണ്ട് ഒട്ടേറെപ്പേര്‍ സ്‌നേഹത്തിന്റെയും ദാനത്തിന്റെയും മാതൃക കാട്ടുന്നുണ്ടെന്നും രാഖി പറയുന്നു.
ഇത്തരം ആളുകളില്‍ നിന്നും പ്രചോദനം ഉള്‍ക്കൊണ്ടാണ് താന്‍ സ്തനങ്ങള്‍ ദാനം ചെയ്യാന്‍ ആഗ്രഹിക്കുന്നതെന്നാണ് രാഖി പറയുന്നത്. “ആര്‍ക്കാണ് ഇതു ലഭിക്കുകയെന്ന് നമുക്ക് കാണാം.” എന്നാണ് വീഡിയോയുടെ അവസാനം രാഖി പറയുന്നത്.
രാഖിയുടെ ചിന്തകളെ പ്രശംസിച്ചുകൊണ്ട് ചിലര്‍ വീഡിയോയോട് പ്രതികരിക്കുന്നുണ്ട്. അതേസമയം രാഖിയുടെ വീഡിയോയെ തമാശയെന്നു പറഞ്ഞ് തള്ളിക്കളയുകയാണ് ഭൂരിപക്ഷം പേരും ചെയ്തിരിക്കുന്നത്.
കരിയറിന്റെ തുടക്കത്തില്‍ ബ്രസ്റ്റ് എന്‍ഹാന്‍സ്‌മെന്റ് സര്‍ജറിക്ക് വിധേയമായിട്ടുണ്ടെന്ന് രാഖി അവകാശപ്പെട്ടിരുന്നു. പിന്നീട് 2010ല്‍ ഇത് നീക്കം ചെയ്തതായും രാഖി അവകാശപ്പെട്ടിരുന്നു. എന്നാല്‍ പലരും ഈ അവകാശവാദം തള്ളിക്കളഞ്ഞിരുന്നു.