ഇനി അറിയേണ്ടത് നവീന്‍ പട്‌നായ്ക്കിന്റെ തീരുമാനം; രണ്ടാം വട്ടവും ബി.ജെ.ഡിയുടെ സഹായം തേടി നിതീഷ്
ഡൂള്‍ന്യൂസ് ഡെസ്‌ക്
Thursday, 10th September 2020, 6:43 pm
പട്‌ന: ബിജു ജനതാ ദളിന്റെ സഹായം തേടി ബീഹാര്‍ മുഖ്യമന്ത്രി നിതീഷ് കുമാര്‍. രാജ്യസഭാ ഡെപ്യൂട്ടി ചെയര്‍മാന്‍ സ്ഥാനത്തേയ്ക്ക് മത്സരിക്കുന്ന ജെ.ഡി.യു സ്ഥാനാര്‍ത്ഥിയെ പിന്തുണയ്ക്കണമെന്ന് നിതീഷ് കുമാര്‍ നവീന്‍ പട്‌നായ്ക്കിനോട് അഭ്യര്‍ത്ഥിച്ചു.
ജെ.ഡി.യുവിന് വേണ്ടി ഡെപ്യൂട്ടി ചെയര്‍മാന്‍ സ്ഥാനത്തേയ്ക്ക് നാമ നിര്‍ദ്ദേശം നല്‍കിയിരിക്കുന്നത് രാജ്യസഭാ എം.പി ഹരിവംശ് നാരായണ്‍ സിംഗാണെന്നും അദ്ദേഹത്തിന് ബി.ജെ.ഡിയുടെ പിന്തുണ നല്‍കണമെന്നും പട്‌നായ്ക്കിനോട് നിതീഷ് ആവശ്യപ്പെട്ടു.
2018 ല്‍ ഒഡീഷയുടെ ഭരണകക്ഷിയായ ബിജെഡി എന്‍.ഡി.എ സ്ഥാനാര്‍ത്ഥി ജെ.ഡി.യു എം.പി ഹരിവംശ് നാരായണ്‍ സിങ്ങിനെ പിന്തുണച്ചിരുന്നു എന്നത് ശ്രദ്ധേയമാണ്. അന്നും നീതീഷും പട്‌നായ്ക്കും ഫോണ്‍ സംഭാഷണം നടത്തിയിരുന്നു.
അതേസമയം, ബീഹാറില്‍ നിയമ സഭാ തെരഞ്ഞെടുപ്പിനുള്ള ഒരുക്കങ്ങള്‍ നടന്നുകൊണ്ടിരിക്കുകയാണ്.
