‘ഇന്‍ ടു ദി വൈല്‍ഡ്’ പരിപാടിയ്ക്കിടെ തന്റെ സിഗ്നേച്ചര്‍ സ്റ്റൈല്‍ ആക്ഷന്‍ ബിയര്‍ ഗ്രില്‍സിന് കാണിച്ചുകൊടുത്ത് നടന്‍ രജനീകാന്ത്. ഡിസ്‌കവറി ചാനലില്‍ മാര്‍ച്ച് 23 ന് സംപ്രേഷണം ചെയ്യാനിരിക്കുന്ന പരിപാടിയുടെ പ്രൊമോ വീഡിയോയിലാണ് രജനി തന്റെ മാസ്റ്റര്‍ പീസ് ആക്ഷന്‍ കാണിച്ചത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
പുറത്തുവന്ന പ്രോമോ വീഡിയോയില്‍ ഗ്രില്‍സിനൊപ്പം പുഴയില്‍ ചാടുന്നതും കാടിനുള്ളിലൂടെ എ.ടി.വി വാഹനം ഓടിക്കുന്നതുമടക്കമുള്ള സാഹസിക പ്രവര്‍ത്തികള്‍ രജനി ചെയ്യുന്നുണ്ട്. ദിസ് ഈസ് ദി റിയല്‍ അഡ്വെഞ്ചര്‍ എന്ന് രജനി പറയുന്നിടത്താണ് ഒരു മിനിറ്റുള്ള വീഡിയോ അവസാനിക്കുന്നത്.
ഡിസ്‌കവറി ചാനലിന്റെ പുതിയ ഷോയുടെ ചിത്രീകരണത്തിനായി രജനീകാന്ത് ജനുവരിയില്‍ കര്‍ണാടകയിലെ ബന്ദിപ്പൂര്‍ ടൈഗര്‍ റിസര്‍വ് വനം സന്ദര്‍ശിച്ചിരുന്നു. കടുവ സംരക്ഷണ കേന്ദ്രത്തിന്റെ പട്ടികപ്രകാരം ബംഗാള്‍ കടുവ, ഏഷ്യന്‍ ആന, പുള്ളിപ്പുലി എന്നിങ്ങനെ 28 ഇനം മൃഗങ്ങള്‍ ഇവിടെയുണ്ട്.
കഴിഞ്ഞ വര്‍ഷം പ്രധാനമന്ത്രി നരേന്ദ്രമോദി പരിപാടിയില്‍ അതിഥിയായെത്തിയിരുന്നു. ഉത്തരാഖണ്ഡിലെ ജിം കോര്‍ബറ്റ് നാഷണല്‍ പാര്‍ക്കിലായിരുന്നു ഷൂട്ട്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ബരാക് ഒബാമ, ടൈറ്റാനിക് താരം കേറ്റ് വിന്‍സ്ലെറ്റ് എന്നിങ്ങനെ നിരവധി പ്രമുഖര്‍ ഈ പരിപാടിയില്‍ അതിഥിയായെത്തിയിരുന്നു. ലോകം മുഴുവന്‍ ആരാധകരുള്ള സാഹസിക യാത്രികനാണ് ബിയര്‍ ഗ്രില്‍സ്.
WATCH THIS VIDEO: