ജയ്പൂര്‍: രാജീവ് രവി സംവിധാനം ചെയ്യുന്ന ആസിഫ് അലി നായകനായ കുറ്റവും ശിക്ഷയുടെയും രാജസ്ഥാനിലെ ഷെഡ്യൂള്‍ അവസാനിച്ചു. കൊവിഡിനെ തുടര്‍ന്ന് ഇടയ്ക്ക് അവസാനിപ്പിക്കേണ്ടി വന്ന ഷൂട്ടിംഗ് കുറച്ച് ദിവസം മുമ്പാണ് പുനരാരംഭിച്ചത്.
കേരളത്തില് നാല് ദിവസത്തെ ഷൂട്ടിംഗ് കൂടി ഇനി ബാക്കിയുണ്ട്. ചിത്രത്തിന്റെ ഫ്സ്റ്റ് ലുക്ക് പോസ്റ്റര്‍ നേരത്തെ പുറത്തുവിട്ടിരുന്നു.
‘മനുഷ്യന് എന്തും ശീലമാകും, മയിരന്‍’ എന്നാണ് പോസ്റ്ററില്‍ പറയുന്നത്. ഇതേ വാചകം ഇംഗ്ലിഷില്‍ എഴുതിയ പോസ്റ്ററും പുറത്തുവിട്ടിട്ടുണ്ട്.
കാസര്‍ഗോഡ് നടന്ന കുപ്രസിദ്ധമായ ഒരു കവര്‍ച്ചയും തുടരന്വേഷണവുമാണ് പൊലീസ് ത്രില്ലറായ ചിത്രത്തിന്റെ പ്രമേയം. തൊണ്ടിമുതലും ദൃക്‌സാക്ഷിയും എന്ന ചിത്രത്തിലൂടെ പ്രശസ്തനായ സിബി തോമസിന്റേതാണ് കഥ.
