കൊവിഡ് ബാധിതരായിരുന്ന ഇറ്റാലിയന്‍ ദമ്പതികള്‍ക്ക് എച്ച്.ഐ.വി മരുന്ന് നല്‍കി; പുതിയ പരിശോധനയില്‍ ഫലം നെഗറ്റീവ്
ഡൂള്‍ന്യൂസ് ഡെസ്‌ക്
Monday, 16th March 2020, 12:52 pm
ന്യൂദല്‍ഹി: എച്ച്.ഐ.വി. ബാധ നിയന്ത്രിക്കുന്നതിനു നല്‍കുന്ന മരുന്ന് നല്‍കിയ കൊവിഡ് ബാധിത ദമ്പതികള്‍ക്ക് പരിശോധനയില്‍ കൊവിഡ് നെഗറ്റീവാണെന്ന് റിപ്പോര്‍ട്ട്. കൊവിഡ് ബാധിച്ച് രാജസ്ഥാനിലെ ജയ്പൂര്‍ എസ്.എം.എസ് ആശുപത്രിയില്‍ ചികിത്സയിലായിരുന്ന ഇറ്റാലിയന്‍ ദമ്പതികള്‍ക്കാണ്
എച്ച്.ഐ.വി. ബാധ നിയന്ത്രിക്കുന്നതിനു നല്‍കുന്ന രണ്ടുമരുന്നുകളുടെ മിശ്രിതം നല്‍കിയിരുന്നത്. ആദ്യമായാണ് കൊവിഡ് ബാധിതര്‍ക്ക് ഇന്ത്യ ഈ മരുന്നു നല്‍കുന്നത്.
ലോപിനാവിര്‍, റിറ്റോനാവിര്‍ എന്നിവയാണു നല്‍കിയത്. ഡ്രഗ്സ് കണ്‍ട്രോള്‍ ജനറല്‍ നിയന്ത്രിത ഉപയോഗം അനുവദിച്ചിട്ടുള്ള ഈ മിശ്രിതം ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചില്‍ നിന്ന് അംഗീകാരം വാങ്ങിയതിന് ശേഷമാണ് രോഗികള്‍ക്ക് നല്‍കിയത്.
