ജയ്പൂര്‍: രാജസ്ഥാനിലെ തദ്ദേശസ്വയം ഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പില്‍ ബി.ജെ.പി-കോണ്‍ഗ്രസ് ഇഞ്ചോടിഞ്ച് പോരാട്ടം.
പഞ്ചായത്തുകളില്‍ 1840 സീറ്റുകള്‍ ബി.ജെ.പി നേടിയപ്പോള്‍ 1723 സീറ്റുകളുമായി കോണ്‍ഗ്രസ് തൊട്ടുപിന്നാലെയുണ്ട്. ജില്ല, പഞ്ചായത്ത് സീറ്റുകളില്‍ ഭരണകക്ഷിയായ കോണ്‍ഗ്രസിനേക്കാള്‍ ഇപ്പോള്‍ മുന്നിലുള്ളത് ബി.ജെ.പിയാണ്.
അതേസമയം മായാവതിയുടെ ബി.എസ്.പി വലിയ തിരിച്ചടിയാണ് നേരിട്ടത്. വെറും മൂന്ന് സീറ്റുകള്‍ മാത്രമാണ് ബി.എസ്.പിക്ക് നേടാനായത്.16 സീറ്റുകളില്‍ സി.പി.ഐ.എം വിജയിച്ചിട്ടുണ്ട്.
