അയോഗ്യത സംബന്ധിച്ച് സ്പീക്കര്‍ തീരുമാനമെടുക്കുന്നതിന് മുമ്പ് കോടതിക്ക് ഇടപെടാന്‍ കഴിയില്ലെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Monday, 20th July 2020, 1:01 pm
ന്യൂദല്‍ഹി: സച്ചിന്‍ പൈലറ്റിനും മറ്റ് 18 വിമത കോണ്‍ഗ്രസ് എം.എല്‍എമാര്‍ക്കും നല്‍കിയ അയോഗ്യത നോട്ടീസ് സംബന്ധിച്ച് നിയമസഭാ സ്പീക്കര്‍ സി .പി ജോഷി തീരുമാനമെടുക്കുന്നതിന് മുമ്പ് കോടതിക്ക് ഇടപെടാന്‍ കഴിയില്ലെന്ന് കോണ്‍ഗ്രസ് രാജസ്ഥാന്‍ ഹൈക്കോടതിയെ അറിയിച്ചു. ലൈവ് ലോയാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
അയോഗ്യത അറിയിപ്പുകള്‍ സംബന്ധിച്ച നടപടി ചൊവ്വാഴ്ച വൈകുന്നേരം വരെ നീട്ടിവെക്കാന്‍ കോടതി കഴിഞ്ഞ ആഴ്ച സ്പീക്കറോട് നിര്‍ദ്ദേശിച്ചിരുന്നു.
ചീഫ് ജസ്റ്റിസ് ഇന്ദ്രജിത് മഹന്തി, ജസ്റ്റിസ് പ്രകാശ് ഗുപ്ത എന്നിവരടങ്ങിയ ബെഞ്ച് തിങ്കളാഴ്ച രാവിലെയാണ് കേസിന്റെ വാദം പുനരാരംഭിച്ചത്.
