രാജസ്ഥാന്‍ സര്‍ക്കാര്‍ ഇനിയെങ്ങോട്ട്? ഗവര്‍ണറെ കാണാന്‍ അശോക് ഗെലോട്ട്
ഡൂള്‍ന്യൂസ് ഡെസ്‌ക്
Tuesday, 14th July 2020, 2:19 pm
ജയ്പൂര്‍: രാജസ്ഥാനിലെ രാഷ്ട്രീയ നീക്കങ്ങള്‍ക്കൊടുവില്‍ ഗവര്‍ണറെ കാണാന്‍ തീരുമാനിച്ച് മുഖ്യമന്ത്രിയും കോണ്‍ഗ്രസ് നേതാവുമായ അശോക് ഗെലോട്ട്. ജയ്പൂരിലെ രാജ്ഭവനിലെത്തിയാണ് ഗെലോട്ട് ഗവര്‍ണര്‍ കല്‍രാജ് മിശ്രയെ കാണുന്നത്.
സര്‍ക്കാരിന് ഭീഷണികളൊന്നുമില്ലെന്നാണ് കോണ്‍ഗ്രസ് നേതാവ് ചേതന്‍ ഡുഡി അവകാശപ്പെടുന്നത്. സര്‍ക്കാരിനൊപ്പം 109 എം.എല്‍.എമാരുണ്ടെന്നും കോണ്‍ഗ്രസ് ഇപ്പോഴും വാതിലുകള്‍ തുറന്നിട്ടിരിക്കുയാണെന്നും ഡുഡി പറഞ്ഞു.
നിയമസഭാകക്ഷി യോഗത്തിലാണ് സച്ചിന്‍ പൈലറ്റിനെ ഉപമുഖ്യമന്ത്രിസ്ഥാനത്തുനിന്നും അധ്യക്ഷ പദവിയില്‍നിന്നും ഒഴിവാക്കിയത്. പൈലറ്റിനൊപ്പമുള്ള രണ്ട് മന്ത്രിമാരെയും സ്ഥാനത്തുനിന്നും നീക്കിയിട്ടുണ്ട്.
പൈലറ്റും സംഘവും ബി.ജെ.പി വിരിച്ച വലയില്‍ വീണെന്ന് ജയ്പൂരിലെത്തിയ പ്രതിനിധി സംഘ തലവന്‍ രണ്‍ദീപ് സിങ് സുര്‍ജേവാല പ്രതികരിച്ചു.
