രാജസ്ഥാനില്‍ കോണ്‍ഗ്രസിന് വമ്പന്‍ വിജയം; മേയര്‍, ചെയര്‍പേഴ്‌സണ്‍ സ്ഥാനങ്ങള്‍ തൂത്തുവാരി, ബി.ജെ.പിക്ക് തകര്‍ച്ച
ഡൂള്‍ന്യൂസ് ഡെസ്‌ക്
Friday, 29th November 2019, 7:41 pm
രാജസ്ഥാനില്‍ വീണ്ടും കോണ്‍ഗ്രസിന് വന്‍വിജയം. തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പില്‍ മികച്ച വിജയം നേടി ഒരാഴ്ച പിന്നിടുമ്പോഴാണ് കോണ്‍ഗ്രസ് വീണ്ടും അടുത്ത തെരഞ്ഞെടുപ്പ് വിജയം നേടിയത്.
തദ്ദേശ സ്ഥാപനങ്ങളിലെ മേയര്‍, ചെയര്‍പേഴ്‌സണ്‍ സ്ഥാനങ്ങളാണ് കോണ്‍ഗ്രസ് നേടിയത്. 49ല്‍ 35 ചെയര്‍പേഴ്‌സണ്‍, മേയര്‍ സീറ്റുകളാണ് കോണ്‍ഗ്രസ് നേടിയത്.
മൂന്ന് നഗര നിഗം, 17 നഗര പരിഷത്ത്, 29 നഗര പാലിക എന്നിവിടങ്ങളിലേക്കാണ് തെരഞ്ഞെടുപ്പ് നടന്നത്. ഇതില്‍ ഒരു നഗര നിഗം, 13 നഗര പരിഷത്ത്, 21 നഗര പാലിക എന്നിവിടങ്ങളിലാണ് കോണ്‍ഗ്രസ് വിജയിച്ചത്.
