ആറ് പേജുള്ള ആ പ്രേമലേഖനം കിട്ടി, അതിനുള്ള മറുപടി വൈകീട്ട് തരാം; ഗവര്‍ണറോട് ഗെലോട്ട്
ഡൂള്‍ന്യൂസ് ഡെസ്‌ക്
Monday, 27th July 2020, 2:44 pm
ജയ്പൂര്‍: രാജസ്ഥാനില്‍ നിയമസഭാ സമ്മേളനം വിളിച്ചുചേര്‍ക്കാനുള്ള ശുപാര്‍ശ തള്ളിയ ഗവര്‍ണര്‍ കല്‍രാജ് മിശ്രയ്‌ക്കെതിരെ തിരിഞ്ഞ് മുഖ്യമന്ത്രി അശോക് ഗെലോട്ട്. കൂടുതല്‍ വിവരങ്ങള്‍ ആവശ്യപ്പെട്ടാണ് ഗവര്‍ണര്‍ ശുപാര്‍ശ തള്ളിയത്. ഇതിനെതിരെയാണ് ഗെലോട്ട് രംഗത്തെത്തിയിരിക്കുന്നത്.
ഗവണറുടെ ആറ് പേജുള്ള പ്രേമലേഖനം കിട്ടി. ഇതിന് മറുപടി വൈകീട്ട് പറയാം എന്നാണ് ഗെലോട്ടിന്റെ മറുപടി.
നേരത്തെയും ഗെലോട്ട് സര്‍ക്കാര്‍ നിയമസഭ വിളിച്ച് ചേര്‍ക്കാനായി നല്‍കിയ ശുപാര്‍ശ ഗവര്‍ണര്‍ മടക്കി അയച്ചിരുന്നു. അന്നും ആറ് ചോദ്യങ്ങള്‍ ചോദിച്ചുകൊണ്ടായിരുന്നു ശുപാര്‍ശ മടക്കിയത്.
