'48 മണിക്കൂറിനുള്ളില്‍ അവര്‍ മടങ്ങിയെത്തും'; ചിലത് വെളിപ്പെടുത്തി കോണ്‍ഗ്രസ്
ഡൂള്‍ന്യൂസ് ഡെസ്‌ക്
Monday, 27th July 2020, 2:22 pm
ജയ്പൂര്‍: രാഷ്ട്രീയ പ്രതിസന്ധികള്‍ തുടരവെ, രാജസ്ഥാന്‍ കോണ്‍ഗ്രസിലേക്ക് 48 മണിക്കൂറിനുള്ളില്‍ എം.എല്‍.എമാര്‍ മടങ്ങിവരുമെന്ന് പ്രഖ്യാപിച്ച് കോണ്‍ഗ്രസ് ദേശീയ വക്താവ് രണ്‍ദീപ് സിങ് സുര്‍ജേവാല. വിമത ക്യാമ്പിലെ മൂന്ന് എം.എല്‍.എമാര്‍ പാര്‍ട്ടിയിലേക്ക് തിരിച്ചുവരുമെന്നാണ് സുര്‍ജേവാല അറിയിച്ചിരിക്കുന്നത്.
കോണ്‍ഗ്രസ് യോഗത്തിലാണ് സുര്‍ജേവാല ഇക്കാര്യം അറിയിച്ചത്. 19 എം.എല്‍.എമാരില്‍ മൂന്നുപേര്‍ 48 മണിക്കൂറിനുള്ളില്‍ തിരിച്ചുവരുമെന്നാണ് ഇദ്ദേഹം അവകാശപ്പെടുന്നത്.
അതേസമയം, സച്ചിന്‍ പൈലറ്റിനും 18 വിമത എം.എല്‍.എമാര്‍ക്കുമെതിരെ അയോഗ്യത നടപടികള്‍ ആരംഭിക്കാന്‍ ഹൈക്കോടതി വിസമ്മതിച്ചതിനെതിരെ സ്പീക്കര്‍ സി.പി ജോഷി സുപ്രീം കോടതിയില്‍ സമര്‍പ്പിച്ച ഹര്‍ജി പിന്‍വലിച്ചു.
