'അടുത്തത് നീ'; രാജമൗലി ചിത്രവും ബോളിവുഡ് റീമേക്കിന്; ഫസ്റ്റ് ലുക്ക് പുറത്ത്
എന്റര്‍ടെയിന്‍മെന്റ് ഡെസ്‌ക്
Monday, 27th March 2023, 1:37 pm
തെന്നിന്ത്യന്‍ ചിത്രങ്ങളുടെ റീമേക്കുകളുടെ നീണ്ട നിര സൃഷ്ടിച്ച ബോളിവുഡിലെ ഏറ്റവും പുതിയ റീമേക്ക് വിശേഷം പ്രേക്ഷക ശ്രദ്ധ ആകര്‍ഷിച്ചിരിക്കുകയാണ്. പ്രഭാസ് നായകനായ എസ്.എസ്. രാജമൗലി ചിത്രം ഛത്രപതിയാണ് റീമേക്കാവുന്നത്. തെലുങ്ക് താരം ബെല്ലംകൊണ്ട ശ്രീനിവാസാണ് ചിത്രത്തില്‍ നായകനാവുന്നത്.
ഛത്രപതി എന്ന് തന്നെ ഹിന്ദിയിലും പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് ഇന്ന് പുറത്ത് വിട്ടിരുന്നു. ഫസ്റ്റ് ലുക്ക് പുറത്ത് വന്നെങ്കിലും ചിത്രത്തിലെ ശ്രീനിവാസിന്റെ ലുക്ക് ഇതുവരെ പുറത്ത് വിട്ടിട്ടില്ല. മെയ് 12നാണ് ചിത്രം തിയേറ്ററുകളിലെത്തുന്നത്. നുസ്രത്ത് ബറൂച്ചയാണ് ഛത്രപതിയില്‍ നായികയാവുന്നത്.
