ഏഷ്യാ കപ്പില്‍ കഴിഞ്ഞ ദിവസം നടന്ന ഇന്ത്യ-നേപ്പാള്‍ മത്സരത്തില്‍ മഴ വില്ലനായി വന്നപ്പോള്‍ മൈതാനത്ത് കാണാന്‍ കഴിഞ്ഞത് ചില രസകരമായ കാഴ്ചകളാണ്. ഇന്ത്യന്‍ ഓള്‍റൗണ്ടര്‍ ഹര്‍ദിക് പാണ്ഡ്യയായിരുന്നു ഈ സംഭവത്തിലെ പ്രധാന കഥാപാത്രം. മത്സരം മഴമൂലം തടസപ്പെട്ടപ്പോഴുള്ള ഹര്‍ദിക് പാണ്ഡ്യയുടെ റിയാക്ഷനുകളാണ് വൈറലായിരിക്കുന്നത്.
മത്സരത്തിന്റെ 35ാം ഓവറിലായിരുന്നു സംഭവം. മഴ പെയ്യാന്‍ തുടങ്ങിയ സമയത്ത് നേപ്പാള്‍ ബാറ്റര്‍മാര്‍ എല്ലാം ഡഗ് ഔട്ടിലേക്ക് തിരികെ പോയപ്പോള്‍ ഇന്ത്യന്‍ താരങ്ങള്‍ ഗ്രൗണ്ടില്‍ നിന്നും മാറാതെ നില്‍ക്കുകയായിരുന്നു. ഈ സമയത്തായിരുന്നു ഹര്‍ദിക് പാണ്ഡ്യയും അമ്പയറും തമ്മിലുള്ള രസകരമായ സംഭവം നടന്നത്. ഇല്ലാത്ത മഴ കണ്ട് പേടിച്ച ഫീല്‍ഡ് അമ്പയറെ നോക്കി ചിരി നിര്‍ത്താനാവാതെ നില്‍ക്കുകയാണ് ഹര്‍ദിക് പാണ്ഡ്യ ചെയ്തത്. ഇതിന്റെ വീഡിയോ വൈറല്‍ ആയിരിക്കുകയാണ്.
— Nihari Korma (@NihariVsKorma) September 4, 2023
