കുടിയേറ്റ തൊഴിലാളികള്‍ വീണ്ടും തെരുവിലാണ്; അവരുടെ ബാങ്ക് അക്കൗണ്ടുകളില്‍ കേന്ദ്രം പണം നിക്ഷേപിക്കണം: രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Tuesday, 20th April 2021, 10:06 am
ന്യൂദല്‍ഹി: രാജ്യത്തെ പാവപ്പെട്ട കുടിയേറ്റ തൊഴിലാളികള്‍ വീണ്ടും തെരുവിലാണെന്നും അവരെ സഹായിക്കാന്‍ കേന്ദ്ര സര്‍ക്കാര്‍ അവരുടെ ബാങ്ക് അക്കൗണ്ടുകളില്‍ പണം നിക്ഷേപിക്കണമെന്നും രാഹുല്‍ ഗാന്ധി എം.പി. ഇതു സര്‍ക്കാറിന്റെ ഉത്തരവാദിത്തമാണെന്നും രാഹുല്‍ പറഞ്ഞു.
കൊവിഡ് പ്രചരിപ്പിച്ചതിന് പൊതുജനങ്ങളെ കുറ്റപ്പെടുത്തുന്ന സര്‍ക്കാറിന് അവര്‍ തെരുവിലാകുമ്പോള്‍ സഹായിക്കേണ്ട ബാധ്യതയില്ലേയെന്നും രാഹുല്‍ ഗാന്ധി ചോദിച്ചു.
രാജ്യത്ത് കൊവിഡിന്റെ രണ്ടാം തരംഗം രൂക്ഷമായ സാഹചര്യത്തില്‍ ദല്‍ഹി അടക്കമുള്ള സംസ്ഥാനങ്ങളിലെ കുടിയേറ്റ തൊഴിലാളികള്‍ വീണ്ടും പ്രതിരോധത്തിലായ സാഹചര്യത്തിലാണ് രാഹുല്‍ ഗാന്ധിയുടെ പ്രതികരണം.
