'വൈകിപ്പിക്കല്ലേ, പറ്റുമെങ്കില്‍ ഇന്ന് തന്നെ വനിത സംവരണം നടപ്പാക്കണം; ഒ.ബി.സിയെ കേന്ദ്രം അവഗണിക്കുന്നു'
ഡൂള്‍ന്യൂസ് ഡെസ്‌ക്
Wednesday, 20th September 2023, 7:43 pm
ന്യൂദല്‍ഹി: ഒ.ബി.സി വിഭാഗത്തിന് പ്രത്യേക സംവരണമില്ലാത്ത വനിത സംവരണം അപൂര്‍ണമെന്ന് കോണ്‍ഗ്രസ് നേതാവ് രാഹുല്‍ ഗാന്ധി. കേന്ദ്രം ഒ.ബി.സി വിഭാഗത്തെ അവഗണിക്കുന്നുവെന്നും 90 കേന്ദ്ര സെക്രട്ടറിമാരില്‍ ഒ.ബി.സി വിഭാഗത്തില്‍നിന്നുള്ളത് മൂന്ന് പേര്‍ മാത്രമെന്നും ലോക്സഭയില് സംസാരിക്കവെ രാഹുല്‍ പറഞ്ഞു.
ഒ.ബി.സിക്കാരുടെ കൃത്യമായ കണക്ക് ലഭിക്കാന്‍ ജാതി സെന്‍സസ് നടത്തണമെന്നും അദ്ദേഹം ആവശ്യപ്പെട്ടു.
‘സ്ത്രീകളെ ശാക്തീകരിക്കാനുള്ള ഏറ്റവും വലിയ ചുവടുവെപ്പായിരുന്നു പഞ്ചായത്തീ രാജ് സംവിധാനം. വനിത സംവരണ ബില്ലിനെ പിന്തുണക്കുന്നു. എന്നാല്‍, ജനസംഖ്യയില്‍ വലിയൊരു വിഭാഗം ബില്ലിന് പുറത്താണ്.
