ന്യൂദല്‍ഹി: കോണ്‍ഗ്രസ്-എന്‍.സി.പി ലയന ചര്‍ച്ചയ്ക്ക് പ്രതീക്ഷയുയര്‍ത്തി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി എന്‍.സി.പി നേതാവ് ശരത് പവാറുമായി കൂടിക്കാഴ്ച നടത്തിയെന്ന് റിപ്പോര്‍ട്ട്. ഇന്നുരാവിലെയാണ് രാഹുല്‍ ശരത് പവാറിന്റെ വസതിയിലെത്തി കൂടിക്കാഴ്ച നടത്തിയത്. ഇരുപാര്‍ട്ടികളും തമ്മിലുള്ള ലയന കാര്യങ്ങളാണ് ഇരുവരും ചര്‍ച്ച ചെയ്തതെന്ന് സീ ന്യൂസ് റിപ്പോര്‍ട്ട് ചെയ്തു.
Congress President Rahul Gandhi meets NCP leader Sharad Pawar at Pawar’s residence in Delhi. pic.twitter.com/jKkH1mGsOB
— ANI (@ANI) May 30, 2019
കോണ്‍ഗ്രസ് അധ്യക്ഷ പദവി സംബന്ധിച്ച അനിശ്ചിതത്വം തുടരുന്ന സാഹചര്യത്തില്‍തന്നെയാണ് കൂടിക്കാഴ്ചയെന്നതും ശ്രദ്ധേയമാണ്. അധ്യക്ഷ സ്ഥാനത്തുനിന്നും രാജിവക്കുകയാണെന്ന തീരുമാനത്തില്‍ നിന്നും രാഹുല്‍ പിന്മാറിയിട്ടില്ല. കോണ്‍ഗ്രസ് നേതാക്കളും പ്രതിപക്ഷ പാര്‍ട്ടി നേതാക്കളും രാഹുല്‍ ഗാന്ധിയുടെ രാജി തീരുമാനത്തിനെതിരെ സമ്മര്‍ദ്ദം ചെലുത്തുന്നുണ്ട്.
