'രാഹുല്‍ ഗാന്ധി ലഹരിമരുന്നിന് അടിമയാണ്, മാധ്യമങ്ങളില്‍ വരെ അത് വന്നിട്ടുണ്ട്';വിവാദത്തിലായി ബി.ജെ.പി നേതാവിന്റെ പരാമര്‍ശം
ഡൂള്‍ന്യൂസ് ഡെസ്‌ക്
Tuesday, 19th October 2021, 4:00 pm
ന്യൂദല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധിക്കെതിരെ ബി.ജെ.പി നേതാവ് നടത്തിയ പരാമര്‍ശം വിവാദത്തില്‍.
രാഹുല്‍ ലഹരിമരുന്ന് കച്ചവടക്കാരനും ലഹരിമരുന്നിന് അടിമയുമാണെന്നായിരുന്നു കര്‍ണാടക ബി.ജെ.പി നേതാവ് നളിന്‍ കുമാര്‍ കതീല്‍ നടത്തിയ പരാമര്‍ശം.
”ആരാണ് രാഹുല്‍ ഗാന്ധി? ഞാന്‍ അത് പറയുന്നില്ല. രാഹുല്‍ ഗാന്ധി മയക്കുമരുന്നിന് അടിമയും മയക്കുമരുന്ന് വില്‍പനക്കാരനുമാണ്. അത് മാധ്യമങ്ങളില്‍ വന്നതാണ്. നിങ്ങള്‍ക്ക് പാര്‍ട്ടി നടത്താന്‍
പോലും കഴിയില്ല,” അദ്ദേഹം പറഞ്ഞു.
പ്രധാനമന്ത്രി നരേന്ദ്ര മോദിയെ പരിഹസിച്ചുകൊണ്ട് കര്‍ണാടക കോണ്‍ഗ്രസിന്റെ ഔദ്യോഗിക ട്വിറ്റര്‍ ഹാന്റിലിലെ ട്വീറ്റിന് പിന്നാലെയായിരുന്നു രാഹുല്‍ ഗാന്ധിയെ ആക്ഷേപിച്ച് കൊണ്ടുള്ള ബി.ജെ.പി നേതാവിന്റെ പോസ്റ്റ്.
