ഒന്നുകില്‍ ദ്രാവിഡ്, അല്ലെങ്കില്‍ ആരുമില്ല; പരിശീലകസ്ഥാനത്തേക്ക് രവി ശാസ്ത്രിയ്ക്ക് മറ്റാരും എതിരാളികളല്ലെന്ന് ആകാശ് ചോപ്ര
സ്പോര്‍ട്സ് ഡെസ്‌ക്
Thursday, 22nd July 2021, 3:56 pm
മുംബൈ: ഇന്ത്യന്‍ ടീമിന്റെ പരിശീലകസ്ഥാനത്തേക്ക് രാഹുല്‍ ദ്രാവിഡിന്റെ പേര് വന്നാല്‍ മാത്രമെ രവി ശാസ്ത്രിയ്ക്ക് എതിരാളിയുണ്ടാകൂയെന്ന് മുന്‍താരം ആകാശ് ചോപ്ര. എന്നാല്‍ ദ്രാവിഡ് സ്വയം പേര് നല്‍കുമെന്ന് കരുതുന്നില്ലെന്നും ചോപ്ര പറഞ്ഞു.
‘ദ്രാവിഡ് തന്റെ പേര് പട്ടികയില്‍ ഉള്‍പ്പെടുത്തിയിട്ടില്ലെങ്കില്‍, പട്ടികയില്‍ ആരുടെ പേര് ഉള്‍പ്പെടുത്തിയാലും അദ്ദേഹത്തിന് രവി ശാസ്ത്രിയെ മറികടക്കാന്‍ കഴിയില്ല. അങ്ങനെയാണ് ഞാന്‍ വിശ്വസിക്കുന്നത്,’ ചോപ്ര പറഞ്ഞു.
ദ്രാവിഡ് പേര് നല്‍കിയാല്‍ അതൊരു വലിയ മത്സരമായിരിക്കുമെന്നും ചോപ്ര പറഞ്ഞു.
വരുന്ന ടി-20 ലോകകപ്പോടെ ഇന്ത്യന്‍ ടീമിന്റെ പരിശീലകനായുള്ള ശാസ്ത്രിയുടെ കരാര്‍ അവസാനിക്കുകയാണ്. നിലവില്‍ ശാസ്ത്രിയ്ക്ക് പകരക്കാരനായി ദ്രാവിഡിന്റെ പേരാണ് ഉയര്‍ന്നു കേള്‍ക്കുന്നത്.
