യു.എസ് ഓപ്പണില്‍ നദാല്‍ പുറത്ത്

ന്യൂയോര്‍ക്ക്: യു.എസ് ഓപ്പണ്‍ ടെന്നിസില്‍ മുന്‍ ചാമ്പ്യന്‍ റാഫേല്‍ നദാല്‍ പുറത്ത്. ഇറ്റാലിയന്‍ താരം ഫാബിയോ ഫോഗ്നിനിയാണ് നദാലിനെ അട്ടിമറിച്ചത്.

രണ്ടിനെതിരെ മൂന്നു സെറ്റുകള്‍ക്കാണ് ഫോഗ്നിനി നദാലിനെ തകര്‍ത്തത്. ഫോഗ്നിനി സ്‌കോര്‍ 3-6, 4-6, 6-3, 6-4.

യു.എസ് ഓപ്പണില്‍ അവസാന പതിനാറില്‍ എത്തുന്ന ആദ്യ ഇറ്റാലിയന്‍ താരമാണ് 32ാം സീഡായ ഫോഗ്നിനി. അടുത്ത റൗണ്ടില്‍ സ്‌പെയിനിന്റെ ഫെലിസിയാനോ ലോപ്പസാണ് ഫോഗ്നിനിയുടെ എതിരാളി.