മോഹന്‍ലാലിന് ശേഷം ഇപ്പോള്‍ ഞാന്‍ അത്ഭുതത്തോടെ കാണുന്നത് ആ തമിഴ് നടനെ: രാധിക

1978ല്‍ ഭാരതിരാജയുടെ കിഴക്കേ പോഗം റെയില്‍ എന്ന തമിഴ് ചിത്രത്തിലൂടെ തന്റെ കരിയര്‍ ആരംഭിച്ച നടിയാണ് രാധിക. തമിഴിന് പുറമെ മലയാളം, തെലുങ്ക്, കന്നഡ, ഹിന്ദി എന്നീ ഭാഷകളില്‍ നിരവധി സിനിമകളുടെ ഭാഗമാകാന്‍ രാധികക്ക് കഴിഞ്ഞിരുന്നു.

മലയാളത്തില്‍ മോഹന്‍ലാലിനൊപ്പം ഇട്ടിമാണി; മെയ്ഡ് ഇന്‍ ചൈന, കൂടും തേടി എന്നീ സിനിമകളിലും രാധിക അഭിനയിച്ചിരുന്നു. ഒപ്പം തമിഴിലെ മുന്‍നിര താരങ്ങളുടെ കൂടെയെല്ലാം സിനിമ ചെയ്തു. ഇപ്പോള്‍ ധനുഷ്, വിജയ് എന്നിവരെ കുറിച്ച് പറയുകയാണ് രാധിക.

മോഹന്‍ലാലാണ് ഇന്നും താന്‍ അത്ഭുതത്തോടെ കാണുന്ന നടനെന്ന് പറയുന്ന നടി ഇപ്പോള്‍ താന്‍ അത്ഭുതത്തോടെ നോക്കി കാണുന്ന മറ്റൊരു നടന്‍ ധനുഷാണെന്നും പറയുന്നു. ആരുമായും സാമ്യപ്പെടുത്താനാവാതെ സിനിമയില്‍ അര്‍പ്പണ മനോഭാവത്തോടെ പ്രവര്‍ത്തിക്കുന്ന നടനാണ് ധനുഷെന്നും വടചെന്നൈ സിനിമ കണ്ട് താന്‍ മരവിച്ച് ഇരുന്നുപോയിട്ടുണ്ടെന്നും കൂട്ടിച്ചേര്‍ത്തു.

‘മോഹന്‍ലാലാണ് ഇന്നും ഞാന്‍ അത്ഭുതത്തോടെ കാണുന്ന നടന്‍. ഇപ്പോള്‍ ഞാന്‍ അത്ഭുതത്തോടെ നോക്കി കാണുന്ന മറ്റൊരു നടന്‍ ധനുഷാണ്.

ആരുമായും സാമ്യപ്പെടുത്താനാവാതെ സിനിമയില്‍ അര്‍പ്പണ മനോഭാവത്തോടെ പ്രവര്‍ത്തിക്കുന്ന നടനാണ് ധനുഷ്. വടചെന്നൈ എന്ന ധനുഷിന്റെ സിനിമ കണ്ട് ഞാന്‍ മരവിച്ച് ഇരുന്നുപോയിട്ടുണ്ട്.

പിന്നെ വിജയ്‌യെ കുറിച്ച് പറയുമ്പോള്‍, അവന്‍ കൊച്ചുപയ്യനായിരിക്കുമ്പോള്‍ തന്നെ ഇത് എങ്കള്‍ നീതി എന്ന സിനിമയില്‍ എന്നോടൊപ്പം അഭിനയിച്ചിട്ടുണ്ട്. പിന്നെ തെരി എന്ന സിനിമയില്‍ വീണ്ടും കണ്ടപ്പോള്‍ എനിക്ക് അത്ഭുതം തോന്നി.

ലൊക്കേഷനില്‍ മൗനമായി ഒരിടത്ത് ഇരിക്കും. ഡയറക്ടര്‍ ആക്ഷന്‍ പറഞ്ഞാലുടന്‍ ക്യാമറയ്ക്ക് മുന്നിലെത്തി മാജിക് കാണിച്ച് നമ്മളെ അമ്പരപ്പിക്കുകയും ചെയ്യും,’ രാധിക പറയുന്നു.

Content Highlight: Radhika Talks About Dhanush And Mohanlal