അപ്പോഴൊന്നും മമ്മൂക്ക അവിടെ എത്തിയിരുന്നില്ല. എന്നോട് കുറച്ചു കഴിഞ്ഞപ്പോള്‍ കോസ്റ്റ്യൂമിട്ട് വരാന്‍ പറഞ്ഞു. അങ്ങനെ കോസ്റ്റ്യൂമിട്ടു വന്നു, ആ സമയത്താണ് മമ്മൂക്ക വരുന്നത്.
മമ്മൂക്ക വന്നതും ഞാന്‍ അങ്ങോട്ട് ചെന്നു സംസാരിച്ചു. ‘ഞാന്‍ ആര്‍.എസ്. പണിക്കര്‍, അങ്ങയുടെ സിനിമയില്‍ കൂടെ അഭിനയിക്കാന്‍ അവസരം കിട്ടിയത് എന്റെ മഹാഭാഗ്യമാണ്,’ എന്നു പറഞ്ഞു.
അതിന് അദ്ദേഹം നല്‍കിയ മറുപടി, ‘ഞങ്ങള്‍ക്ക് അങ്ങയെ പോലെ ഒരാളെ കിട്ടിയല്ലോ,’ എന്നാണ്. ഒരു പുഞ്ചിരിയോടെയാണ് അത് പറഞ്ഞത്. അതെനിക്ക് നല്‍കിയ സ്ട്രെങ്ത്തും കോണ്‍ഫിഡന്‍സും വളരെ വലുതായിരുന്നു.
മമ്മൂക്കയേക്കാള്‍ രണ്ടു വയസ് കൂടുതലുള്ള അച്ഛനാണ് ഞാന്‍. ആദ്യത്തെ രംഗം ഞങ്ങള്‍ തമ്മിലുള്ള കോമ്പിനേഷന്‍ ആയിരുന്നു. ആ സീനില്‍ ഓമനയും ഉണ്ടായിരുന്നു.
എന്നെ അവഗണിച്ചു കൊണ്ട് മമ്മൂക്ക നടന്നു പോകുന്നു, അപ്പോള്‍ ഞാന്‍ അദ്ദേഹത്തെ ഒന്ന് നോക്കണം. ഇതായിരുന്നു എനിക്ക് സംവിധായകന്‍ തന്ന നിര്‍ദ്ദേശം. ഞാന്‍ അതുപോലെ ചെയ്തു.
അതുകഴിഞ്ഞു ഞാന്‍ വീണ്ടും ഒരിക്കല്‍ കൂടെ മമ്മൂക്കയോട് സംസാരിച്ചു. എന്റെ പെര്‍ഫോമന്‍സിനെ കുറിച്ച് അഭിപ്രായം ചോദിച്ചു.
