ദുല്‍ഖറിന്റെ വാപ്പായോട് പറയട്ടെ പ്യാലിയെ ദുല്‍ഖറെക്കൊണ്ട് കെട്ടിക്കാന്‍; ടീസര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Friday, 24th June 2022, 7:40 pm
ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസ് അവതരിപ്പിക്കുന്ന പ്യാലിയുടെ ടീസര്‍ പുറത്ത്. ദുല്‍ഖര്‍ സല്‍മാന്റെ യൂട്യൂബ് ചാനലിലൂടെയാണ് ചിത്രത്തിന്റെ ടീസര്‍ പുറത്ത് വിട്ടത്. ദുല്‍ഖര്‍ സല്‍മാന്‍ ചിത്രത്തിന്റെ പോസ്റ്റര്‍ ഒട്ടിക്കുന്നതിനിടയില്‍ ഒപ്പമുള്ളയാള്‍ പ്യാലി എന്ന് കുട്ടിയോട് ഇതിലാരെയാണ് ഇഷ്ടമെന്ന് ചോദിക്കുമ്പോള്‍ ദുല്‍ഖര്‍ സല്‍മാനെന്നാണ് മറുപടി പറയുന്നത്. എങ്കില്‍ ദുല്‍ഖറിനെ പ്യാലിക്ക് കെട്ടിച്ച് തരാന്‍ ദുല്‍ഖറിന്റെ വാപ്പായോട് പറയട്ടെ എന്ന് പ്യാലിയോട് അയാള്‍ ചോദിക്കുന്നതും ടീസറില്‍ കാണാം.
അഞ്ചു വയസുകാരി ബാര്‍ബി ശര്‍മയാണ് ചിത്രത്തില്‍ പ്രധാന കഥാപാത്രമായി എത്തുന്നത്. ബബിത- റിന്‍ ദമ്പതിമാരാണ് പ്യാലിയുടെ തിരക്കഥ എഴുതുന്നത്. കഴിഞ്ഞ ദിവസം ചിത്രത്തിലെ ശ്രീനിവാസന്റെ ക്യാരക്ടര്‍ പോസ്റ്റര്‍ പുറത്ത് വിട്ടിരുന്നു.
