'പുടിന്‍ വിമര്‍ശകര്‍ തീവ്രവാദികള്‍'; താലിബാനുള്‍പ്പെടുന്ന പട്ടികയില്‍ നവല്‍നിയെ ചേര്‍ത്ത് റഷ്യ
ഡൂള്‍ന്യൂസ് ഡെസ്‌ക്
Tuesday, 25th January 2022, 4:16 pm
മോസ്‌കോ: റഷ്യന്‍ പ്രസിഡന്റ് വ്‌ളാഡിമിര്‍ പുടിന്റെ കടുത്ത വിമര്‍ശകനും റഷ്യയിലെ പ്രതിപക്ഷ നേതാവുമായിരുന്ന അലക്‌സി നവല്‍നിയെ തീവ്രവാദി-ഭീകരവാദി പട്ടികയില്‍ ഉള്‍പ്പെടുത്തി.
ചൊവ്വാഴ്ചയായിരുന്നു നവല്‍നിയെ പട്ടികയില്‍ ഉള്‍പ്പെടുത്തി റഷ്യന്‍ അധികൃതര്‍ ഉത്തരവിറക്കിയത്.
നവല്‍നിക്ക് പുറമെ അദ്ദേഹത്തിന്റെ സഹപ്രവര്‍ത്തകരായ ല്യുബൊവ് സൊബോളും പട്ടികയിലുണ്ട്.
‘ഫെഡറല്‍ ഫിനാന്‍ഷ്യല്‍ മോണിറ്ററിംഗ് സര്‍വീസ് ഓഫ് ദ റഷ്യന്‍ ഫെഡറേഷന്‍’ (Rosfinmonitoring) തയാറാക്കിയ ഡാറ്റാബേസിലാണ് ‘നിരോധിക്കപ്പെട്ട വ്യക്തികളു’ടെ പട്ടികയില്‍ നവല്‍നിയെ ഉള്‍പ്പെടുത്തിയിരിക്കുന്നത്.
പുടിന്റെ കീഴിലുള്ള റഷ്യയില്‍ പ്രതിപക്ഷ ശബ്ദങ്ങളെ അടിച്ചമര്‍ത്തുന്നതിന്റെ ഏറ്റവുമൊടുവിലത്തെ ഉദാഹരണമാണ് നവല്‍നിയെ തീവ്രവാദിയാക്കി മുദ്ര കുത്തിയിരിക്കുന്ന ഈ നടപടി.
