തമിഴ്‌നാട്ടില്‍ പ്രാദേശിക വേര്‍തിരിവുണ്ടാക്കാന്‍ ദല്‍ഹിയില്‍ തലപുകഞ്ഞ് ബി.ജെ.പി; കോങ്കുനാടുവിനെ പ്രത്യേക സംസ്ഥാനമാക്കണമെന്ന് ആവശ്യം
ഡൂള്‍ന്യൂസ് ഡെസ്‌ക്
Saturday, 10th July 2021, 11:51 am
ന്യൂദല്‍ഹി: തമിഴ്‌നാട്ടില്‍ പ്രാദേശിക വേര്‍തിരിവുണ്ടാക്കാനുള്ള ശ്രമവുമായി ബി.ജെ.പി. കോങ്കുനാടുവിനെ പ്രത്യേക സംസ്ഥാനമാക്കണമെന്ന ആവശ്യമാണ് ബി.ജെ.പി. മുന്നോട്ടുവെക്കുന്നത്.
ബി.ജെ.പി. അനുകൂല അക്കൗണ്ടുകളില്‍ നിന്ന് ഈ ആവശ്യം നിരന്തരം ഉന്നയിക്കപ്പെടുന്നുണ്ട്. ട്വിറ്ററില്‍ കോങ്കുനാട് എന്ന ഹാഷ്ടാഗ് ബി.ജെ.പി. ട്രെന്റിംഗ് ആക്കിയിരിക്കുകയാണ്.
ഡി.എം.കെ. സര്‍ക്കാരിനെ പ്രതിസന്ധിയിലാക്കാനാണ് ബി.ജെ.പിയുടെ പുതിയ നീക്കമെന്നാണ് റിപ്പോര്‍ട്ടുകള്‍.
ന്യൂദല്‍ഹിയിലെ ‘ശക്തികേന്ദ്ര’ങ്ങളില്‍ നിന്നാണ് പ്രദേശിക വേര്‍തിരിവുണ്ടാക്കാനുള്ള ശ്രമങ്ങള്‍ നടത്തുന്നതെന്നാണ് റിപ്പോര്‍ട്ട്.
