ജയസൂര്യ-രഞ്ജിത്ത് ശങ്കര്‍ കൂട്ടുക്കെട്ടിലെ സൂപ്പര്‍ഹിറ്റ്ചിത്രം പുണ്യാളന്‍ അഗര്‍ബത്തീസ് പ്രൈവറ്റ് ലിമിറ്റഡിന്റെ രണ്ടാം ഭാഗത്തിന്റെ ടീസര്‍ പുറത്തിറങ്ങി. ആദ്യപതിപ്പുപോലെ വ്യത്യസ്തമായ പ്രമേയവുമായാണ് ഇത്തവണയും ചിത്രം പ്രേക്ഷകര്‍ക്കുമുന്നിലെത്തുന്നത്.
Also Read: ‘ഒടുവില്‍ അതും സ്വന്തം’; സ്വപ്‌ന സാക്ഷാത്കാരവുമായി ധോണി
തൃശ്ശുര്‍ ഭാഷയുടെ പശ്ചാത്തലത്തില്‍ ഒരുക്കിയെടുത്ത സിനിമകളുടെ വിജയശ്രേണിയില്‍ പുണ്യാളന്‍ അഗര്‍ബത്തീസും ഇടംപിടിക്കുകയാണ്. ഒരു സാധാരണ മലയാളി യുവാവിന്റെ സ്വപ്നങ്ങള്‍ നടപ്പാക്കുപ്പോഴുണ്ടാകുന്ന പ്രശ്നങ്ങളുടെ ആക്ഷേപഹാസ്യരൂപം എന്ന രീതിയിലാണ് ചിത്രം പുരോഗമിക്കുന്നത്.
രണ്ടാം പതിപ്പിലും നവസംരഭംകന്റെ പ്രവര്‍ത്തനങ്ങളും പ്രശ്നങ്ങളുമായാണ് ജോയ് താക്കോല്‍കാരന്‍ പ്രേക്ഷകര്‍ക്കുമുന്നിലെത്തുന്നത്. ആദ്യപതിപ്പില്‍ നിന്ന് വ്യ്ത്യസ്തമായി പുതിയ ഉല്‍പ്പന്നത്തിന്റെ പ്രചരാണാര്‍ത്ഥമായിട്ടാണ് ജയസൂര്യ ചിത്രത്തില്‍ പ്രത്യക്ഷപ്പെടുന്നത്.
സാമുഹിക ഇടപെടലും, സാമ്പത്തിക പ്രതിസന്ധികളും നേരിടുന്ന കഥാപാത്രങ്ങളിലൂടെയാണ് ചിത്രം പുരോഗമിക്കുന്നത്. 2013 ല്‍ പുറത്തിറങ്ങിയ ചിത്രം മികച്ച വിജയം നേടിയിരുന്നു.ആനപ്പിണ്ഡം തപ്പിനടക്കുന്ന ജോയ് താക്കോല്‍കാരന്‍ ജയസൂര്യയുടെ കരിയറിലെ മികച്ച കഥാപാത്രങ്ങളിലൊന്നായിരുന്നു. അജുവര്‍ഗീസും, ശ്രീജിത്ത് രവിയും അവതരിപ്പിച്ച കഥാപാത്രങ്ങളും ശ്രദ്ധിക്കപ്പെട്ടിരുന്നു.
ഡ്രീംസ് ബിയോണ്ടിന്റെ ബാനറില്‍ ജയസൂര്യയും രഞ്ജിത്ത് ശങ്കറുമാണ് ചിത്രം നിര്‍മ്മിക്കുന്നത്. ഇരുവരും ചേര്‍ന്ന് നിര്‍മ്മിച്ച പുണ്യാളന്‍ സിനിമാസാണ് ചിത്രത്തിന്റെ വിതരണം നിര്‍വ്വഹിക്കുന്നത്. രഞ്ജിത്ത് ശങ്കര്‍ തന്നെയാണ് ചിത്രത്തിന്റെ തിരക്കഥ നിര്‍മ്മിക്കുന്നത്.