അമൃത്സര്: ഏറെ വാദ പ്രതിവാദങ്ങള്ക്കും കലഹങ്ങള്ക്കും ഒടുവില് നേടിയ പഞ്ചാബ് കോണ്ഗ്രസ് അധ്യക്ഷസ്ഥാനം ഒരുനിമിഷം കൊണ്ട് രാജിവെച്ച നവ്ജ്യോത് സിംഗ് സിദ്ദുവിന്റെ തീരുമാനം പലതരത്തില് വിലയിരുത്തപ്പെടുകയാണ്.
ക്രിക്കറ്റ് കളിക്കുന്ന സമയത്തും അദ്ദേഹം ഇങ്ങനെ തന്നെയായിരുന്നു എന്നാണ് അദ്ദേഹത്തിന്റെ സഹ കളിക്കാരന് പറയുന്നത്.
സിദ്ദു എപ്പോഴും വിഷണ്ണനായിരുന്നെന്നും കൂടുതല് സംസാരിക്കാത്ത പ്രകൃതമായിരുന്നു സിദ്ദുവിന്റേതെന്നും അദ്ദേഹം പറഞ്ഞു.
അതേസമയം, സിദ്ദു ഒരു ഏകാകിയായിരുന്നെന്നും ഒരിക്കലും ഒരു ടീം പ്ലേയര് ആയിരുന്നില്ലെന്നുമാണ് പഞ്ചാബ് മുന് മുഖ്യമന്ത്രി അമരീന്ദര് സിംഗ് പറഞ്ഞത്.