കശ്മീരി മാധ്യമപ്രവര്‍ത്തക സഫീന നബിക്കുള്ള പുരസ്‌കാരം റദ്ദാക്കി മഹാരാഷ്ട്ര ഇന്‍സ്റ്റിറ്റ്യൂട്ട്
ഡൂള്‍ന്യൂസ് ഡെസ്‌ക്
Thursday, 19th October 2023, 4:17 pm
ന്യൂദല്‍ഹി: കശ്മീരി മാധ്യമപ്രവര്‍ത്തക സഫീന നബിക്ക് അവാര്‍ഡ് റദ്ദ് ചെയ്ത് മഹാരാഷ്ട്ര പുനെ ഇന്‍സ്റ്റിറ്റ്യൂട്ട് ഓഫ് ടെക്‌നോളജി.
വലതുപക്ഷ-രാഷ്ട്രീയ സമ്മര്‍ദത്തെ തുടര്‍ന്നാണ് സഫീനക്കുള്ള പുരസ്‌കാരം മാനേജ്മന്റ് റദ്ദാക്കിയതെന്നാണ് റിപ്പോര്‍ട്ടുകള്‍.
‘കശ്മീരിലെ അര്‍ധവിധവകള്‍’ എന്ന സഫീനയുടെ റിപ്പോര്‍ട്ടിനാണ് പുരസ്‌കാരം പ്രഖ്യാപിച്ചത്. ഭര്‍ത്താക്കന്മാരുടെ മരണത്തിനുശേഷം സ്വത്തവകാശം നിഷേധിക്കപ്പെടുന്ന കശ്മീരിലെ വിധവകളുടെ ദുരവസ്ഥയാണ് റിപ്പോര്‍ട്ടില്‍ വിവരിച്ചിരിക്കുന്നത്.
സമൂഹത്തില്‍ അനുകമ്പയും സഹവര്‍ത്തിത്വവും പ്രോത്സാഹിപ്പിക്കുന്ന റിപ്പോര്‍ട്ടുകളുടെ വിഭാഗത്തിലാണ് സഫീനയുടെ റിപ്പോര്‍ട്ട് തെരഞ്ഞെടുക്കപ്പെട്ടത്.
പുലിട്‌സര്‍ സെന്റര്‍ ഓണ്‍ ക്രൈസിസ് റിപ്പോര്‍ട്ടിംഗ് ആണ് സഫീനയെ സ്റ്റോറി റിപ്പോര്‍ട്ടിംഗിന് സഹായിച്ചത്.
