കുഴല്‍ക്കിണറില്‍ വീണ് കുട്ടികള്‍ മരിക്കുന്ന സംഭവം ആവര്‍ത്തിക്കുന്നത് അധികൃതരുടെ അനാസ്ഥ മൂലം;സുപ്രീം കോടതിയില്‍ പൊതു താല്‍പര്യ ഹരജി
ഡൂള്‍ന്യൂസ് ഡെസ്‌ക്
Tuesday, 29th October 2019, 5:34 pm
ന്യൂദല്‍ഹി: തമിഴ്‌നാട് തിരുച്ചിറപ്പള്ളിയില്‍ കുഴല്‍ക്കിണറില്‍ വീണ് രണ്ടു വയസ്സുകാരന്‍ മരണപ്പെട്ട സംഭവത്തിനു പിന്നാലെ ഇനിയും ഇത്തരം കാര്യങ്ങള്‍ ആവര്‍ത്തിക്കാതിരിക്കാന്‍ ഉന്നത ഉദ്യോഗസ്ഥര്‍ക്ക് കര്‍ശന നിര്‍ദേശം നല്‍കണമെന്ന് ആവശ്യപ്പെട്ട് സുപ്രീം കോടതിയില്‍ പൊതു താല്‍പര്യ ഹരജി. കുഴല്‍കിണറുകള്‍ നിര്‍മിക്കുന്നതിന് സുപ്രീം കോടതി 2010 ല്‍ പുറപ്പെടുവിച്ച മാര്‍ഗ നിര്‍ദേശങ്ങള്‍ പാലിക്കപ്പെടാത്തതാണ് ഇത്തരത്തിലുള്ള അപകടങ്ങള്‍ ആവര്‍ത്തിക്കുന്നതിന് കാരണമെന്ന് ഹരജിയില്‍ ചൂണ്ടിക്കാട്ടുന്നു. ജി.എസ് മണിയെന്ന അഭിഭാഷകനാണ് ഹരജി നല്‍കിയിരിക്കുന്നത്.
