പ്രോടെം സ്പീക്കറായി പി.ടി.എ റഹീമിനെ നിയമിച്ചു
ഡൂള്‍ന്യൂസ് ഡെസ്‌ക്
Thursday, 20th May 2021, 9:00 pm
തിരുവനന്തപുരം: പുതിയ നിയമസഭയുടെ പ്രോടെം സ്പീക്കറായി അഡ്വ. പി.ടി.എ റഹീം എം.എല്‍.എയെ നിയമിച്ചു. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് തീരുമാനമെടുത്തത്.
കോഴിക്കോട് കുന്ദമംഗലം മണ്ഡലത്തിലെ എം.എല്‍.എയാണ് പി.ടി.എ റഹീം.
സ്പീക്കര്‍ തെരഞ്ഞെടുപ്പിന് പ്രോടെം സ്പീക്കറാണ് മേല്‍നോട്ടം വഹിക്കുക. സ്പീക്കര്‍ ചുമതലയേല്‍ക്കുന്നത് വരെയുള്ള നിയമസഭാ നടപടിക്രമങ്ങളും പ്രോടെം സ്പീക്കറുടെ മേല്‍നോട്ടത്തിലായിരിക്കും നടത്തുക.
തൃത്താല എം.എല്‍.എ എം.ബി രാജേഷ് ആണ് സ്പീക്കറായി ചുമതലയേല്‍ക്കുന്നത്.
