[] തൊടുപുഴ: ബ്ലേഡ് മാഫിയയെ പിടികൂടാന്‍ സംസ്ഥാന സര്‍ക്കാര്‍ ആരംഭിച്ച നടപടിയ്ക്ക് ഓപ്പറേഷന്‍ കുബേര എന്നല്ല ഓപ്പറേഷന്‍ ഷൈലോക്ക് എന്നാണ് ഇടുക്കി എം.പി പി.ടി തോമസ്. ഇത് സാംസ്‌കാരിക ബോധത്തോടുള്ള അവഹേളനമാണെന്നും അദ്ദേഹം പറഞ്ഞു.
ഓപ്പറേഷന്‍ ഷൈലോക്ക് കൂടുതല്‍ യോജിച്ചേനെ. ആ ഷേക്‌സ്പീരിയന്‍ പ്രയോഗം കൂടുതല്‍ അര്‍ഥവത്തും ആകര്‍ഷകവുമാണ്. വൈസ്രെവസിന്റെ മകനും ലങ്കാധിപതിയുമായിരുന്ന കുബേരന്‍ സമ്പാത്തിക അതിക്രമം നടത്തിയതായി പുരാണത്തില്‍ പറയുന്നില്ല- തോമസ് തന്റെ ഫേസ്ബുക്ക് പോസ്റ്റില്‍ പറയുന്നു.
വസ്തുത ഇങ്ങനെയായിരിക്കെ ഓപ്പറേഷന്‍ കുബേര എന്ന പദം ചരിത്രപരമായും സാംസ്‌കാരികപരമായും തിരുത്തപ്പെടേണ്ടതാണെന്നും ഓപ്പറേഷന്‍ കുബേര എന്ന പേര് ഭാരതീയ സംസ്‌കാരത്തോടുള്ള അവഹേളനമാണെന്നും അദ്ദേഹം അഭിപ്രായപ്പെട്ടു.