എംബാപ്പെ പി.എസ്.ജിയിൽ നിൽക്കുന്നോ അതോ പോകുന്നോയെന്ന് ഉടൻ പറയണം; താരത്തിനോട് ക്ലബ്ബ്; റിപ്പോർട്ട്
സ്പോര്‍ട്സ് ഡെസ്‌ക്
Saturday, 11th March 2023, 11:35 pm
ഫ്രഞ്ച് സൂപ്പർ താരമായ എംബാപ്പെ പി.എസ്. ജിയിൽ തുടരുന്നോ അതോ ക്ലബ്ബ് വിടുന്നോയെന്ന് തീരുമാനിക്കാൻ ക്ലബ്ബ് അധികൃതർ ഡെഡ് ലൈൻ തീരുമാനിച്ചതായി റിപ്പോർട്ട്.
വരുന്ന മെയ് മാസത്തിനുള്ളിൽ ക്ലബ്ബിൽ തുടരുന്നോ അതോ ക്ലബ്ബ് വിടുന്നോയെന്നതിനെ പറ്റിയുള്ള അന്തിമ തീരുമാനം എംബാപ്പെ ക്ലബ്ബ് മാനേജ്മെന്റിനെ അറിയിക്കണമെന്ന് പി.എസ്.ജി ആവശ്യപ്പെട്ടതായി ദ അത് ലറ്റിക്കാണ് റിപ്പോർട്ട് ചെയ്തിരിക്കുന്നത്.
ഫ്രഞ്ച് സൂപ്പർ താരമായ എംബാപ്പെയെ റയൽ മാഡ്രിഡ്‌ അവരുടെ ഭാവി താരമായി കണ്ട് സൈൻ ചെയ്യാനുള്ള ശ്രമങ്ങൾ നടത്തുന്നുണ്ട്. ഉടൻ ക്ലബ്ബിൽ നിന്നും വിരമിക്കുന്ന സൂപ്പർ താരം കരിം ബെൻസെമക്ക് പകരക്കാരനായിട്ടാണ് എംബാപ്പെയെ സാന്തിയാഗോബെർണാബ്യൂവിലേക്കെത്തിക്കാൻ റയൽ ശ്രമം നടത്തുന്നത്.
