ജയിച്ചെങ്കിലും ബയേണ്‍ പുറത്ത്; ചാമ്പ്യന്‍സ് ലീഗില്‍ കഴിഞ്ഞ സീസണിലെ പക വീട്ടി പി.എസ്.ജി
സ്പോര്‍ട്സ് ഡെസ്‌ക്
Wednesday, 14th April 2021, 9:23 am
പാരിസ്: ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലിന്റെ രണ്ടാം പാദം വിജയിച്ചെങ്കിലും നിലവിലെ ചാമ്പ്യന്‍മാരായ ബയേണ്‍ മ്യൂണിക്കിന് സെമിയില്‍ കടക്കാനായില്ല. എവേ ഗോളിന്റെ ആനുകൂല്യത്തില്‍ നൈമറിന്റെ പി.എസ്.ജി സെമി ഫൈനലില്‍ കടന്നു.
ഇതോടെ കഴിഞ്ഞ സീസണിലെ ഫൈനലിലെ തോല്‍വിക്ക് ബയേണോട് പി.എസ്.ജി പകവീട്ടി. രണ്ടാം പാദത്തില്‍ ഒരു ഗോളിനായിരുന്നു ബയേണ്‍ മ്യൂണിക്കിന്റെ വിജയം.
ബയേണ്‍ തട്ടകത്തില്‍ നടന്ന ആദ്യ പാദ മത്സരത്തില്‍ ഒന്നിനെതിരെ രണ്ടു ഗോളുകള്‍ക്ക് പി.എ.സ്ജി വിജയിച്ചതാണ് നൈമറിനും സംഘത്തിനും ഗുണം ചെയ്തത്. പരുക്കേറ്റ മുന്‍നിര താരം ലെവന്‍ഡോസ്‌കി ഇല്ലാതെയായിരുന്നു ബയേണ്‍ മ്യൂണിക്ക് കളിച്ചത്.
